Reportajen Umbelina dos Reis
Sekretáriu Estadu Komunikasaun Sosial (SEKOMS), Expedito Loro Dias Ximenes, liuhosi diskusaun forum nasional editorial iha komorasaun loron nasional liberdade imprensa katak, sei kapasita jornalista sira iha área língua jornalizmu nian hodi garante kualidade ba produtu jornalístiku no kualidade informasaun.
Governante ne’e dehan, média pilar importante iha demokrasia no independénsia ba liberdade imprensa hodi garante ba mandatu iha artigu 40- 41 iha konstituisional Republika Demokratika Timor-Leste (RDTL). Iha Nonu governu konstituisional liu-liu iha setor komunikasaun sosial iha pontu 16.
“Atu garante kualidade informasaun Nonu governu nian tenki tau matan maka’as no apoiu jornalista sira hodi fo formasaun no kapasita jornalista sira hodi halo kooperasaun ba ajensia internasional sira oinsá mak bele fo formasaun konaba língua iha área jornalizmu nian, tanba da-dauk ne’e públiku kestiona konaba kualidade informasaun.” Sekretariu Estadu Komunikasaun Sosial (SEKOMS), Expedito Ximenes Loro Dias, dehan liuhosi diskusaun editorial forum nasional, iha Balibo, Domingo, 16/10.
Governante ne’e informa, kapasidade jornalizmu nian ne’ebé importante tebes mak presiza kapasidade intelektual no profesional, tanba bainhira atu responde konaba preokupasaun informasaun iha públiku, tanba avansu teknolojia, avansa iha publiku la’os ona sai konsumidor ba informasaun, maibé publiku mos sai ona produtor ba informasaun, konserteza informasaun ne’ebé iha média konvensionais, plataforma dijital no média privadu bele hamosu provokasaun no dúvida iha sosiedade.
“Nonu Governu maske foin hahú fulan tolu maibé la’os fo de’it formasaun ba jornalista sira, maibé presiza fó apoiu ba media, nune’e antes media atravesa no apoiu kontexta fortifika iha empreza média nian, nune’e governu foun agora sei defende forte liu tan produtu jornalístiku nian, nune’e se de’it labele kriminaliza iha produtu jornalizmu.” Nia dehan.
Iha parte sorin Prezidente Asosiaun Jornalista Timor Lorosa’e (AJTL), Zevonia Vieira nia intervensaun ba SEKOMS katak ema sira iha área area rural sira rona informasaun barak ba iha sede suku no xefe suku, la’os media no jornal, nune’e oinsá SEKOMS nia haree ba ida ne’e?
Sekretáriu Estadu Komuniksaun Sosia hatete, iha programa nonu governu nian iha área komunikasaun sosial nian, programa fortifikasional hodi fortifika no hamoris radiu komunidade, programa kria sentru informasaun iha suku, kontinua ho programa governu anterior nian.
