Home Notisia CNRT La Aseita Foti Osan Selu Ro Haksolok, Branco: Pedro Lay Hili...

CNRT La Aseita Foti Osan Selu Ro Haksolok, Branco: Pedro Lay Hili Emprensa Ne’ebe Besik Bangkrut

1582
0
Ro Haksolok. [Foto: Copyright google | 25.11.2020]

Reportazen Francisco JDA

Relasiona ho desizaun governu atu hasai tan fundu petroliferu $16.9 miliaun, hodi selu ro Haksolok ne’ebe tuir Bankada CNRT katak ro refere ferrujen ona, inklui pontoes ka pakote atu ro atraka.

Liu hosi konferensia imprensa ba jornalista sira, Deputadu Bankada CNRT, Ricardo Baptista hateten  Rejiaun Administrativu Espesial Oekusse-Ambeno (RAEOA) no Zonas Especial Ekonomia Sosial Merkadu (ZEESM) sei iha saldo jerénsia miliaun $177.4 milliaun, ne’ebe autoridade subar ba Parlamentu Nasional atu asesu paradeiru hosi osan ida ne’e, tanba ne’e mak la iha fatin atu husu tan osan ba governu central

Deputadu Ricardo Babtista hateten bankada CNRT hakarak hatene, bainhira mak Ministériu Públiku atu avansa eskándalu akizasaun ro Haksolok ne’e ba Tribunal, tanba Camara das Contas nia auditoria iha 2018 deskobre ona indísiu krime ba ro Haksolok maibé tanba sa mak prosesu investigasaun lori tempu naruk.

“Ro Haksolok agora iha prosesu investigasaun, Ministeriu Publiku nune’e labele bok inklui labele aumenta tan osan. Ezemplo projeitu balun hosi 143 ne’ebe governu labele selu, tanba tama hela prosesu investigasaun kriminál nian, nune’e la iha razaun atu governu ida ne’e tau osan ba ro Haksolok”, hateten Deputadu Bancada CNRT Ricardo Babtista iha Sala Bancada CNRT Parlamentu Nasional 25/11.

Deputadu ne’e husu ba Ministériu Públiku atu halo serbisu imparsiál no aplika doutrina katak ema hotu iha lei nia oin, labele halo favoritizmu indivídu sira seluk, ne’ebe abuzu de uzu ba povu nia osan iha RAEOA-ZEESM, enkuantu Ministériu Públiku aselera prosesu hasoru sidadaun sira seluk.

Relasiona ho asuntu ne’e jornalista sira halo konfirmasaun ho bankada FRETILIN, Deputadu Francisco Branco hatan katak, problema ho kazu ro Haksolok ne’e mak Timor-Leste hili sala tiha ona, ba empresa ida ne’ebe besik ona bangkrut, entaun sira aproveita, hamoris fali empresa ida atu mate ona.

“Tanba sa Pedro Lay no Primeiru Ministru ba hili los deit emprensa ida ne’e, nusa la loke konkursu públiku para hili lolos emprensa ida ne’ebe nia finanseiru saudavel, atu bele halo konstrusaun ba ro ida ne’e. Problema nia konsekuensia mai to’o agora, ita lalika buka sala ba malu, se iha ne’e jestaun ne’ebe la los, sistema tenki responsabiliza ne’e ema ida labele ses hosi ne’e”, hatete deputadu Francisco Branco

Nia reforsatan atu lakon ro ka hetan ro ne’e governu mak responsabilidade ba ida ne’e.

Print Friendly, PDF & Email

LEAVE A REPLY

Please enter your comment!
Please enter your name here