Home Notisia RbR Ezije Aloka Orsamentu Ba MJ Asegura Konsultasaun Publiku Ne’ebe Partisipativu Ba...

RbR Ezije Aloka Orsamentu Ba MJ Asegura Konsultasaun Publiku Ne’ebe Partisipativu Ba Asuntu Rai

378
0
Komunidade sira halo diskusaun ho RbR konaba asuntu rai. [Foto: Copyright Rbr | 01.12.2020]

Reportazen Francisco JDA

Relasiona ho debate Orsamentu Jeral Estadu 2021 (OJE), Rede ba Rai (RbR) halo ona submisaun no rekomenda ba Parlamentu Nasional hodi aloka orsamentu ne’ebe suficiente ba Ministeriu Justica (MJ), atu asegura konsultasaun públiku ne’ebe klean no partisipativu, kona ba legislasaun diploma no polítika tomak liga ho asuntu rai, katak aloka orsamentu atu rekruta ekipa espesialista admistrasaun rai nian, atu tur iha Diresaun Nasional Asesoria Jurídika no Legislasaun (DNAJL) no Diresaun Nasional Teras e Propiedades Serbisu Cadastrais (DNTPSC) atu bele fo tulun ba Ministériu Justica dezenvolve polítika no legislasaun rai nian.

Liu hosi koferensia imprensa Koordenador Nasional Rede ba Rai (RbR), Pedrito Vieira halo aprenzentasaun konaba submisaun katak iha OJE 2021, Ministeriu Justica iha planu atu kontinua regista rai sira iha Timor-Leste, maibé antes atu kontinua regista importante tebes, atu halo evaluasaun external independente, kona ba serbisu registrasaun rai mak implementa ona hosi Sistema Nasional Kadastru (SNK) iha tinan 2014-2019, tanba bazeia ba RbR nia rezultadu peskiza hetan problema oinoin iha atuál no sei bele afeta ba future.

“Fahe informasaun ba públiku fraku tebes, SNC nia serbisu taka tebes ba públiku, dadus sira mak foti la refleta  ba realidade iha terrenu kona ba direitu ba rai, rai kultura registu tiha nudár rai individual nian, laos lisan ka koletivu, la protégé grupu vulneravel sira nia direitu ba rai, hanesan feto orfaun no ema ho difisensia sira”, hatete koordenadór Nasional RBR Perdrito Vieira iha salaun FONGTIL, 01/12

RbR husu ba membru Parlamentu atu aloka orsamentu naton hodi asegura bainhira governu atu foti rai ne’ebe povu atuál hela ba ka uza hela, tenke tuir prosedimentu lei espropriasaun nian, inklui orsamentu atu halo konsultasaun públiku, analiza impaktu sosial planu re-alokasaun fo kompensasaun justu ba komunidade no monitorizasaun ba impaktu sosial sira.

“Iha planu alokasaun orsamentu 2021 ba rezolve disputa no despeju ba rai no propiedade estadu nian ba kada municipiu, iha alokasaun ne’e katak iha municipiu balun sei rezolve disputa iha propiedade estadu nian kazu 16 tantu iha Viqueque, Manatutu, Baucau, Lautem, Bobonaru no municipiu seluk maibé iha alokasaun la logika no la klaru. Alokasaun orsamentu la hanesan maske kazu disputa ne’ebe atu resolve hanesan iha kada municipiu, tabela ne’ebe deskreve iha livru 2 OJE 2021 pajina 263-455”, dehan Pedrito Vieira

Print Friendly, PDF & Email

LEAVE A REPLY

Please enter your comment!
Please enter your name here