Home Notisia RbR: SNC Ladun Hatudu Transparansia no Sei Viola Direitu Feto nian Sai...

RbR: SNC Ladun Hatudu Transparansia no Sei Viola Direitu Feto nian Sai nain Ba Rai

517
0
Koordenador Rede ba Rai, Pedrito VIeira. [Foto: Francisco JDA | 01.12.2020]

Reportazen Francisco JDA

Rede ba Rai (RbR) aprezenta submisaun relasiona ho debate Orsamentu Jeral Estadu 2021, liu hosi konferensia imprensa.

Liu hosi konferensia imprensa Koordenador Rede ba Rai, Pedrito Vieira hateten katak objetivu no programa lubuk ida ne’ebe iha, ligasaun ba asuntu rai iha Timor-Leste, iha tinan 2017 governu halo lei tolu, liga ho asuntu rai, maibé presiza legislasaun no polítika lubuk ida, atu bele implementa lei hirak ne’e, tuir OJE 2021 katak Ministeriu Justica (MJ) sei aprova no publika legislazaun restante (lei komplementar).

Iha aprezentasaun konaba submisaun Pedrito Vieira hateten asuntu rai sensitivu tebes hafoin iha era ukun an ne’e. Iha tinan 2017 governu iha ona lei tolu ne’ebe Prezidente Republika promulga ona, kona ba rai ne’ebe konnesidu ho lei nu.13 ho titulu ba rai no eispropriasaun, maibé to’o agora seidauk implementa tanba hein hela restante legislasaun ka diploma komplementár 18 atu kompleta liu tan lei prinsipál.

“Tinan ida ne’e Parlamentu Nasional la fo espasu ba sosiedade sivil sira, atu hatoo nia submisaun kona sira nia knaar servisu loron loron nian, iha tinan barak nia laran sosiedade sivíl liuliu Rede ba Rai halo akompanhamentu, halo advokasia kona ba oinsá bele hamosu lei ida ne’ebe diak, hodi regula sidadaun nia direitu ba asuntu rai nian”, hateten Pedrito Vieira, iha salaun FONGTIL 01/12.

Rede ba Rai rekomenda ba Parlamentu Nasional atu aloka orsamentu ba Ministériu Justica, hodi aloka orsamentu, halo avaliasaun independente ba programa Sistema Nasional Kadastru (SNC) nia serbisu katak avaliasaun ne’e tenke nakloke, independente, investiga asuntu asesu prosesu registrasasun rai kualidade dadus, impaktu ba nivel konflitu rai laran, impaktu ba ema vuneravel sira, transparénsia no sustentabilidade.

Pedrito akresenta durante prosesu rai ne’ebe Sistema Nasional Kadastru (SNC) halao, ladún hatudu trasparansia no mos sei viola asuntus liga ho direitus feto sira nian, oinsá bele sai nain ba rai, vulneravel sira ne’ebe nain ba rai no asuntu lisan sira balun regista sai fali privadu.

Tuir Pedrito katak Parlamentu Nasional presiza fo atensaun nafatin ba governu, bainhira kontinua halo registrasaun rai, entaun presiza halo serbisu ne’ebe transparénsi,a sustentabilidade no demokrátiku atu ema hotu bele asesu no sai nain ba rai

“Durante registrasaun ne’ebe SNC halao, Rede ba Rai halo keixa ba entidade Provedoria Direitus Humanus no Justisa (PDHJ). Iha tinan kotuk ba iha Komisaun Anti Korupsaun (KAK) katak prosesu registrasaun ne’e la lao tuir padraun saida mak hakerek iha lei ne’ebe vigora iha Timor-Leste”, deklara Pedrito Vieira

Rede ba Rai husu nafatin ba Parlamentu Nasional, atu koalia ho governu hodi hare didiak fali keixa ne’ebe Redi ba Rai hatama.

Pedirot konklui partika barak ne’ebe durante ne’e lao hanesan eviksaun, dezenvolvimentu ne’ebe afeta ba komunidade nia moris no hela fatin, halo alargamentu ba Estrada, afeta ba hela fatin no akontese eviksaun.

Print Friendly, PDF & Email

LEAVE A REPLY

Please enter your comment!
Please enter your name here