Home Notisia SEJD Fo Ona Rekonnesmentu Ba Atleta Ema Ho Difisiensia Teofilu Freitas

SEJD Fo Ona Rekonnesmentu Ba Atleta Ema Ho Difisiensia Teofilu Freitas

415
0
Atleta ema ho difisiensia Teofilo ho nia familia. [Foto: Copyright FB | 10.12.2020]

Reportazen Francisco JDA

Liu hosi debate Orsamentu Jeral Estadu 2021 (OJE), iha faze espesialidade ne’ebe foka ba programa Sekretariu Estadu Juventude no Desporto (SEJD), liu hosi debate refere Vise Prezidente Parlamentu Nasional (V-PNN), Angelica Sarmento halo intervensaun hateten  federasaun atletas ema ho difisensia tuir kompetisaun iha rai liur sempre manan, maibé governu liu hosi Secretario Estadu Juventude Desportu (SEJD) to’o agora sedauk fo rekonnesimentu ba sira, ba rezultadu hotu ne’ebe hatudu tiha ona.

Nia dehan atletizmu 400 metro no 800 metro, Teofilho Caldas ne’ebe manan iha Australia no Malaysia, Arafura Games no Azia Pra-Games maibé to’o agora governu seidauk fo prémiu rekonnesimentu, tanba governu uluk promete katak se manan sei fo prémiu.

“Sira motiva maluk difisentes sira seluk, atú tuir dalan ne’ebe hanesan mak kuandu ita la iha sieridade atu fo rekonnesimentu ba sira, klaru nia desmotiva mos sira seluk tuir kompetisaun iha nivel internasionál”, hatete deputada Maria Angelica iha Parlamentu Nasional,10/12.

Deputada Maria Anjelica salienta bazeia ba programa no atividade SEJD iha livru 2, iha atividade dezenvolve kapasidade instituisional no organizasaun desportivas, iha orsamentu montante boot ne’ebe tau ba organizasaun desportivas sira, tanba ne’e husu se bele tinan oin se  ne’e mak pendente, tenke resolve tiha.

Iha Fatin hanesan hatán ba kestaun ne’e Secretario Estadu Juventude no Desporto, Abrao Saldanha hatan katak SEJD halo hela programa fiskalizasaun ba organizasaun desportivas sira, atu hetan konsesaun utilidade desportiva iha organizasaun desportivas barak, maibé balun la iha sede, balun sede iha bolsa laran no balun mos la iha atletas.

“Ema ho difisensia iha sira nia organizasaun federasaun para olímpiku, ne’ebe tinan-tinan estadu fo apoio kona ba atleta difisensia nia partisipasaun iha internasionál, kazu konkretu ba Teofilu governu apresia no rekonnese tiha ona atletas difisentes ne’e. Nia manan 40 mill, entaun iha tan 60 mill, antes hau tama transfere tiha ona ba konta atleta ne’e ninian”, hateten Abrao Saldanha

Sekretariu Estadu esplika laos jogu hotu iha rekonnesimentu, tanba iha legislasaun atu rekonnese prémiu sira jogu ho kompetividade as mak iha rekonnesimentu, jogus sira ho animasaun ne’e bele rekonnese ho forma seluk. Ezemplu jogu Arafura Games ne’e laos jogu kompetividade maibé jogu rekreakiva baibain halo ba trabalhador sira no laos de prestasaun.

Print Friendly, PDF & Email

LEAVE A REPLY

Please enter your comment!
Please enter your name here