Home Notisia Ema Ho Difisiensia Tilun Menus Informasaun Hosi Media Oinsa Prevene-an Hosi Dezastre...

Ema Ho Difisiensia Tilun Menus Informasaun Hosi Media Oinsa Prevene-an Hosi Dezastre Naturais

671
0
Ofisial Manager Program KDT-TL, Luciana do Nasimentu Dias. [Foto: Bernarda da Costa | 12.02.2021]

Reportazen Bernard no Adalgisa

“Media fo sai laiha tradutora lian gestual no letra sira ne’ebe hakerek iha kraik, halai ho lalais liu, halo defisiénsia tilun la hatene no la komprende saida maka media sira fo sai, tamba sira  labele rona”. KDT-TL

Grupu vulneravel hanesna ema ho difisiensia sira kontinua sai vulneravel liutan, tanba kobertura media nian konaba oinsa atu prevene an hosi dezastre naturais laiha fasilidade ida ne’ebe asesivel ba sira atu bele asesu.

Jornalista Neon Metan halo entrevista ho Ofisial Manager Program KDT-TL, Luciana do Nasimentu Dias, konaba maluk difisiensia tilun sira ne’ebe menus informasaun relasiona ho asuntu dezastre naturais.

“Ema ho defisiénsia atu asesu iha informasaun bazeia ba COVID-19 no dezastre ruma ne’ebe akontese, oinsa atu prevene-an hosi dezastre ka moras ruma, maibe ema ho defisiénsia tilun menus tebes informasaun, televizaun fo sai tamba laiha tradusaun lian gestual.

Nia hatutan informasaun sira ne’ebe media fo sai laiha tradutora lian gestual no letra sira ne’ebe hakerek iha kraik, halai ho lalais liu, halo defisiénsia tilun la hatene no la komprende saida maka media sira fo sai, tamba sira  labele rona.

Nia dehan wainhira dezastre naturais akontese ema ho defisiénsia tilun, sira haree deit saida maka ema halo no sira halo tuir, wainhira sira rona ema hakilar mos sira la bele sente, tamba laiha tradutor lian gestual hodi fo sai informasaun ba sira oinsa atu prevene an.

Nia mos dehan konaba lian gestual ne’ebe agora dadauk RTTL halo iha notisia kalan nian, ne’e halo hosi KDT-TL no hetan suporta hosi Ra’es Hadomi Timor Oan (RHTO) no Asosiasaun Difisientes Timor-Leste (ADTL), maibe koaba debate, diskursu no programa sira seluk laiha lian jestual, hodi ajuda ema ho difisiensia tilun hodi hatene informasaun hirak ne’e.

Dados sensus 2015 ema ho defisiénsia iha Timor-Leste hamutuk 38.118, defisiénsia tilun total 12.511. Dadus ne’e akumula hotu iha area rurais no defisiénsia tilun ne’ebe mak agora dadauk hamutuk iha fatin refere total iha 74 no tradutor lian gestual na’in rua deit no agora iha tradutora nain 5 ne’ebe mak ba ajuda ho voluntarizmu.

Iha parte seluk ADTL hanesan mahon ba organizasaun sira ne’ebe serbisu no tau matan ba ema ho defisiénsia iha Timor-Leste, ho objetivu prinsipal atu hatan ba direitu ema ho defisiénsia nian hodi asegura ema ho defisiénsia hotu atu hetan protesaun .

Diretor ADTL, Cesario da Silva hateten dezastre naturais sira ne’ebe akontese, ema ho defisiénsia sai grupu alvu no sira merese atu hetan protesaun husi entidades publiku sira, tamba  sira nia preokupasau iha limitasaun ba iha kondisaun fisiku.

“Ami la rezista ema ho defisiénsia hira maka afeta ba dezastre, maibe tuir saida mak ami hare ema ho defisiénsia sira kuandu akontese inundasaun, anin boot, mota tun entaun sira mak hetan risku boot”, dehan Diretor ADTL iha nia knar fatin.

Nia atutan Inundasaun ne’ebe akontese iha tinan 2020  iha Dili, komunidade sira halai sai maibe ema ho defisiénsia la halai sai tamba nia iha limitasaun, entaun ho situasaun ida ne’e konsidera ema ho defisiénsia sai hanesan risku bot ba iha dezastre kompara ho ema seluk.

ADTL iha planu ne’ebe implementa ona iha 2020, hodi koordena ho Sekretario Estado Protesaun Sivil (SEPS) oinsa atu halo prevensaun ba dezastres sira, liu-liu koalia konaba situasaun ida molok no antes dezastre, oinsa mak bele halo sensibilizasaun informasaun ba ema ho defisiénsia sira.

Print Friendly, PDF & Email

LEAVE A REPLY

Please enter your comment!
Please enter your name here