Reportazen David da Costa Gusmao
Relasiona ho imajen osan $100 ne’ebe uza imajen lider nasional Kay Rala Xanana Gusmao, ba jornalista sira Governador Banku Central Timor-Leste (BCTL), Abrão Vasconcelos informa ba jornalista sira katak BCTL laiha koñesementu relasiona imagen ne’ebe espalla iha Publika liuhusi Media Sosiál konaba osan tahan ne’ebe ho montante $100,00 ne’ebe mak uza imajen lider nasionál, Kay Rala Xanana Gusmão.
“Hau atu koalia deit BCTL laiha koñesimemtu ba osan tahan ida ne’e. Hau la hatetene imajen ne’e maibe ne’e laos husi BCTL, tanba ita Timor seidauk iha osan rasik, dadaun ita uza hela osan dollar Amerikanu”, dehan Governador BCTL bainhira partisipa serimonia asinatura protokolu kooperasaun Entre PNTL-UIF iha Otel Novu Turismu, 12/02.
Nia hatuir dadaun ne’e banku Central seidauk iha planu atu dezenha osan tahan Timor-Leste nian. Ema ida halo dezenu ne’e ema hatudu nia kreativu deit. Imajen ne’e laos buat seriu ida, atu publiku preokupa.
“Laiha parte ida balun husi imajen ne’e hanesan ita nia moeda oficiál agora ne’e, ne’ebe laiha problema tanba kreativu husi ema nian, se kuandu ema ida foti osan $100,00 ida lolos ho kor hanesan hodi troka iha ita nia oin, maibe ema ruma mak tenta atu halo tranzasaun ba osan tahan hanesan, bele informa ba PNTL para atu halo investiga”, nia akresenta.
