Home Notisia Lockdown Fatin 3, FONGTIL: Governu Tenke Asegura Ai-han no Materials Sanitaria

Lockdown Fatin 3, FONGTIL: Governu Tenke Asegura Ai-han no Materials Sanitaria

534
0
FONGTIL halo konferensia imprensa. [Foto: Adalgisa Pereira | 23.09.2020]

Reportazen Zevonia Vieira

Pandemia COVI-19 ameasa situasaun rai laran tanba impaktu hosi ema sira ne’ebe tama ilegal hosi Atambua hodi afeta numeru positivu COVID-19 aumenta sae.

Liu hosi komunikadu imprensa Forum ONG Timor-Leste (FONGTIL) ne’ebe Neon Metin asesu deklara katak COVID-19 konsideradu ona sai pandemia tanba afeta ka da’et ba umanu tomak mundiál nian, balun infetadu diretu husi virus ida ne’e, barak mós sofre konsekuénsia sósiu ekonomiku husi kazu ida ne’e nian.

Timor-Leste nudár estadu halo ona medida sira prevensaun barak maibe presiza halo liu tan hodi satan labele iha transmisaun komunitaria.

Liu hosi komunikadu FONGTIL hateten sosiedade sivil apresia ba progresu serbisu ne’ebe governu halo hamutuk ho lina frente hanesan “medíku, pesoal saude, PNTL-F-FDTL no mídia, tanba liu husi liña koordenasaun ne’ebé diak, konsege fo atendementu ba sidadaun sira iha kuarentena, iha izolamentu to’o iha prosesu reintegrasaun.

“Ami mós apresia ba parseiru dezenvolvimentu sira hotu ne’ebé fo ona sira nia kontribuisaun moral no material ba Estadu Timor -Leste hodi prevene no kombate surtu Covid-19”.

Liu hosi enkontru membru sosiedade sivil hanesan FONGTIL, TLCE, CGT no RFTL, BESI-TL, La’o Hamutuk, AJAR, MDI,OXFAM, BELUN, rede HASATIL no ativista sociedade civil iha loron 15 Febreiro 2021, desidi hodi re-estabelese ekipa voluntariu sosiedade sivil nian, ba apoiu serbisu prevensaun COVID-19 ho objetivu atu apoiu serbisu sosializasan no sensibilizasaun ba komunidade relativamente ba esforsu nasional prevensaun COVID-19.

Ekipa sosiedade sivil nian iha Timor-Leste laran tomak mos alerta apoiu ba esforsu sira hodi evita no kombate pandemia COVID-19. Sociedade civil hola pozisaun ida ne’e tambá kazu ativu COVID-19 dezignadamente kazu detetadu sira ne’ebe mai husi pasajen ilegal iha pais, nune’e halo kuida saúde publiku populasaun no impede transmisaun komunitaria iha território Nasional.

Bazeia ba pozisaun iha leten, sosiedade civil Timor-Leste mai ho ezijensia sira husu ba governu atu haforsa linha fronteiras liu husi mobiliza involvimentu komunidade , autoridade komunitaria hodi apoiu PNTL no F-FDTL hodi kontrola movimentu illegal.

FONGTIL husu ba governu atu lockdown municipio Bobonaro, Covalima no RAEOA, governu tenke asegura nafatin disponibilidade ai-han no materials sanitaria ba komunidade iha municipio Bobonaro, Covalima no RAEOA hodi koresponde nesesidade baziku hodi la prejudika komunidade durante periodu lockdown.

Husu governu atu aplika test masal ba populasaun hotu iha municpio Bobonaro, Covalima no RAEOA no husu guoernu no Parlamentu Nasional atu halo desizaun ho seriedade, hodi hola ona vasina nune bele halo ona vasina ba sidadaun ho obrigatoriu  no fahe informasaun kredibel ba komunidade konaba importansia husi vasina.

FONGTIL mos apela ba liders politikus, liders instituisaun hotu,  no autoridade hotu iha Timor-Leste atu hasai deklarasaun ruma ho kuidadu, tamba bele fo influencia ba komunidade atu la kolabora ho governu liu husi medidas sira ne’ebe governu hasai, hodi mitiga no prevene COVID-19 iha Timor-Leste, Ministerio Interior no Ministerio Defeza tenke fasilita fasilidade teknolijia hanesan Drone ba PNTL no F/FDTL atu kontrola movimentu illegal iha fronteira.

Print Friendly, PDF & Email

LEAVE A REPLY

Please enter your comment!
Please enter your name here