Home Notisia Komunidade Samalari Lalin Rai Henek no Fatuk Iha Foho Leten Harii Tanki...

Komunidade Samalari Lalin Rai Henek no Fatuk Iha Foho Leten Harii Tanki Bee Moos

1016
0
Komuniade feto ho maneSamaliari lalin fatuk ho rai henek iha foho leten. [Foto: Francisco JDA | 15.02.2021]

Reportazen Francisco JDA

Komunidade Suku Samalari, Postu Admistrativu Laga, Municipiu Baucau voluntariamente lalin rai henek no fatuk hosi foho leten, tun ba rai klean kuaze metro 350, ho objetivu harii tanki, hodi asesu bee moos ne’ebé besik liu tan ba komunidade sira.

Relasiona ho atividade dada bee moos, n’ebe hetan apoiu fundu hosi Departement of Foreigin Affairs  and Trade- Austrália  liu hosi Programa Nasionál Desenvolvimentu Suku (PNDS), ho osan hamutuk  valor $32 mill,  nudar fundu COVID-19 hodi suporta dada bee moos  besik liu tan ba komunidade sira nia hela fatin.

Xefe Suku Samalari, Clementino Xavier  ba Neonmetin hateten komunidade sira apoiu masimu,  ho autoridade Ssuku no PNDS, atu  oinsá mak bele tur hamutuk hodi aselera serbisu, nune’e bele asesu bee moos tanba komunidade barak seidauk asesu bee mós ho di’ak

“Programa ne’e liu hosi suku nia pedidu iha rua mak irigasaun no bee moos, entaun bainhira rezultadu mai, ami hili mak bee moos tanba ita nia komunidade barak mak seidauk asesu bee moos, maske bee PNDS oferese maibé distansia dook no seidauk sufisiente ba komunidade balun”, hateten Xefe Suku Samalari Clementinho Xavier iha Samalari, 06/02.

Iha Fatin hanesan reprezentante komunidade, Jaoa de Deus ba Neon Metin hateten katak, bee ne’e importante ba nesesidade komunidade nian, maske tempu udan no afeta mós moras COVID-19, maibé komunidade kontinua  antuzias lalin rai henek no fatuk hosi foho leten.

“Bee moos ne’ebé mak dadaun iha ne’e seidauk sufisiente ba nesesidade komunidade, parte aldeia tolu inklui suku vizinho Nunira,  aldeia Lalulai ne’ebé juridikamente hela iha suku Samalari la sufisiente ba sira nia nesesidade lor-loron nian, tanba ne’e mak komunidade  voluntariamente  serbisu no la manan osan”, hateten Joao de Deus Xavier.

Joao De Deus hatoo agradese wain ba doadores sira ne’ebé suporta ona orsamemtu ba programa dada bee moos tanba komunidade mak presiza tebes.

Entertantu Feto Maluk Violante José da Costa hatete katak nia parte sente kontente no orgulho tebes hodi fo an ba serbisu ne’e,  lalin raihenek tanba bele dada besik liu tan bee ba sira nia hela fatin hodi bele  asesu bee moos ba nesesidade uma laran nian.

Print Friendly, PDF & Email

LEAVE A REPLY

Please enter your comment!
Please enter your name here