Home Notisia COVID-19, Atu TL La Monu Ba Risku Boot, Aluc: Ita Ho Konsiensia...

COVID-19, Atu TL La Monu Ba Risku Boot, Aluc: Ita Ho Konsiensia Tuir Protokolu MS

293
0
Segundu Komadante Operasaun CIJK, Brigadeiru Jenerál, João Miranda "Aluc". [Foto: David da Costa | 20.02.2021]

Reportazen David da Costa Gusmao

Relasiona ho surtu COVID-19 ne’ebe ameasa Timor-Leste, liu hosi konferensia imprensa iha salau Centro Integradu Jestaun Krize (CIJK), Segundu Komadante Operasaun Centru Integradu Jestaun Krize (CIJK), Brigadeiru Jenerál, João Miranda “Aluc” hateten iha situasaun seguransa ne’e iha responsabilidade boot iha PNTL nian liman rasik, no hetan apoiu masimu husi Falintil-Forsa Defesa Timor-Leste (FDTL) sira.

“Estadu de Seguransa dala barak ita kestiona, maibe liu-liu iha komunidade seidauk iha konsensia, oinsa ita atu halo implementasaun ho diak“, dehan Aluc iha Sala CIJK-CCD, 20/02.

Nia haktuir tanba ida ne’e mak iha nesesidade  husi Policia Nasionál Timor-Leste (PNTL) halo seguransa durante 24 oras no loron 7 halo movimentasaun nafatin, hodi fó apelu ba komunidade sira, oinsa mak halo implementasaun medidas ne’ebe  portokolu estabelese hosi Ministeiru Saude atu bele hadook-an husi COVID-19.

“Nasaun Vizinu Indonesia ne’ebe besik ita,  loron ba loron numeru kazu COVID-19 sae makaas nafatin, tanba ne’e iha nesesidade ita hotu halo kolaborasaun, komunidade, juventude ema hotu-hotu tenke serbisu hamutuk ho PNTL, profisionál saude sira, oinsa mak ita atu bele halo implementasaun medias sira ne’ebe iha ho diak, no ita bele ses husi virus ida ne’e”, nia dehan.

Nai salienta tan sei kazu iha transmisaun lokál iha no iha risku ne’ebe bele dehan garave liu.

“Tanba ne’e, antes ita atu to’o ba iha risku ida ne’e, diak liu ita esforsu-an ho konsensia tuir protokulu Ministeriu Saude nian fo mai ita”, nia afirma.

Print Friendly, PDF & Email

LEAVE A REPLY

Please enter your comment!
Please enter your name here