Reportazen David da Costa Gusmao
Ministeriu Saude re-intrega tan pasiente COVID-19 nain ida ba familia ne’ebe rekupera ona, liu hosi konferensia imprensa Vise-Koordenadóra Forsa Tarefas Prevensaun no Mitigasaun COVID-19, Odete da Silva Viegas informa ba jornalista sira katak, Ohin loron 20 Fevereiru, Ministeiru Saude (MS) liu husi Komisaun Nasionál inkorpora tan pasiente COVID-19 ne’ebe rekuperadu na’in 1 husi izolamentu Vera Cruz.
Nia esplika pasiente rekuperadu ne’e timoroan mane ho idade 34, nia baixa iha izolamentu iha loron 3 Fevereiru.
“Ita foti nia Swab test dahuluk iha loron 16 Fevereiru, teste daruak iha loron 18 Fevereiru, rezutadu teste husi laboratótiu dala rua ne’e hatudu negativu”, dehan iha Sala jestaun Centro Integradu Jestaun Krize (CIJK) iha CCD, 20/02.
Entertantu dadus Kumulativu teste hamutuk 20694, kumulativu negativu iha 20549, hein rezultadu total 42,kumulativu kazu 103, kazu foun laiha no rekupera nain ida, kumulativu rekuperadu hamtuk 82.
Atuál baixa tun ba 21, Kuarentena nain 258 (Dili iha 191, Munisípiu iha 67), auto-kuarentena 7 (Dili nain 6, Munisípiu nain 1) no passa ona 14 dias 8005 (Dili nain 6575, Munisípiu nain 1430).
