Home Notisia PR Apresia Livru Istoria Koletiva Konaba Buibere Hamriik Ukun Rasik An.

PR Apresia Livru Istoria Koletiva Konaba Buibere Hamriik Ukun Rasik An.

825
0
Prezidente Republika, Dr. Francisco Guterres Lu Olo. [Foto: Media Palacio PR | 05.03.2021]

Reportazen Zevonia Vieira

Prezidente Repúblika, Dr. Francisco Guterres Lú Olo apresia esforsu koletivu husi Organização Popular da Mulher Timor (OPMT) no Comissão de Pesquisa e Elaboração da História da Luta da Mulher Timor ba produsaun livru Buibere Hamriik Ukun Rasik An.

Liu hosi komunikadu imprensa ne’ebe Neon Metin asesu livru ne’e hatudu istória koletiva ema barak nian, la’ós individu ka grupu ida nian, maibé koletiva nian hodi reflete papél feto nudar protagonista iha luta libertasaun nasionál.

Prezidente Repúblika hateten katak livru ne’e nudar sasin kona-ba partisipasaun feto iha luta libertasaun nasionál no hatudu katak liberdade hetan ho folin aas tebes.

“Tanba ne’e foin-sa’e tenke hatene asume no transmite valores no prinsípiu luta libertasaun nasionál,” Prezidente Repúblika hateten, 05/03.

Livru ho títulu Buibere Hamriik Ukun Rasik An sei lansa husi Prezidente Repúblika iha Loron Internasionál ba Feto, 8 Marsu 2021, iha Palásiu Prezidensiál Nicolau Lobato.

Sekretária Jerál OPMT, Lourdes Maria Alves Araújo agradese lider nasionál hotu-hotu nia apoiu, hodi bele realiza peskiza no prodús obra ida ne’e no husu deskulpa ba atrazu iha prosesu produsaun tanba fatores oioin.

Iha agostu 2010, OPMT ho apoiu husi lideransa nasionál hotu-hotu, hala’o angariasaun fundus ba projetu hakerek livru partisipasaun feto iha luta libertasaun nasionál. Husi osan angariasaun fundus ne’e no apoiu husi Governu, OPMT harii Comissão de Pesquisa e Elaboração da História da Luta da Mulher Timor hodi halibur dadus kona-ba feto nia partisipasaun iha luta hasoru okupasaun Indonézia husi fontes feto no mane liu ema na’in-800 husi munisípiu 13.

Comissão de Pesquisa e Elaboração da História da Luta da Mulher Timor halo rekrutamentu ba peskizadór no hakerek na’in sira ba produsaun livru Buibere Hamriik Ukun Rasik An.

Print Friendly, PDF & Email

LEAVE A REPLY

Please enter your comment!
Please enter your name here