Home Notisia Bela Galhos: Ladun Satisfás Ho Lia-fuan Marzinalizadu Tanba Termu Ne’e La Refleta...

Bela Galhos: Ladun Satisfás Ho Lia-fuan Marzinalizadu Tanba Termu Ne’e La Refleta Igualdade

299
0
Ativista Direitu Umanus Bella Galhos. [Foto: Adroaldo | 22.12.2021]

Reportajen Adroaldo ‘Saretukau’

Aniversáriu Asosiasaun Jornalista Timor Lorosa’e (AJTL) ba dala-22, AJTL halo diskusaun ho tema “Independénsia Editorial iha Ambitu Eleisaun no Feto iha Karreira”.

Iha diskusaun nakloke ne’e reprezentante Sekretária de Estadu Igualdade no Inkluzaun (SEII) hato’o nia programa no atividade sira ne’ebe relasiona ho kapasidade feto poténsia sira, nune’e rona mos hanoin balu hosi perspetiva ativista nian konabá implementasaun polítika iha program polítika governu nian.

Iha diskusaun ne’e, Diretór Jeral SEII, José do Rosário hateten SEII nia papél ida mak atu hakbiit feto iha polítika no feto iha ekonomia, inklui programa hodi hakbiit feto sira iha lideransa nian, tanba tinan oin mai, ita sei hasoru eleisaun prezidensiál, parlamentar, eleisaun suku no eleisaun desentralizasaun nian.

“Ami halo mos programa feto potensiál iha munisípiu hotu, oinsá prepara kareira feto nian iha tempu eleisaun, tanba ita hotu hatene katak hahú tinan 2022 to’o 2024 ne’e tinan eleisaun nian”, nia hatete.

Nia hatutan, tanba ne’e mak SEII halo parseria ho organizasaun lokal, internasional no grupu sira oinsá hasa’e kapasidade sira iha área lideransa, jestaun akuntabilidade, oinsá haree konabá polítika públika no seluk tan, ba feto potensiál iha munisípiu sira. Nia hatete, Timor-Leste iha suku 452 hetan feto potensiál kaer knaar hanesan xefe suku iha feto 21, aldeia iha 2233 ho feto potensiál ne’ebé lidera hamutuk 94, ida ne’e menus tebes.

Iha fatin hanesan ativista LGBTQ, Bela Galhos hatete, ladún satisfás ho lia-fuan grupu minoria ka grupu marzinalizadu, tanba termu ida ne’e la refleta igualdade, tuir nia observasaun partidu polítiku sira ne’ebé ukun la implementa ho masimu termu sira hanesan inkluzaun sosiál, lideransa feto, tanba lia-fuan ne’e furak tebes maibé na realidade seidauk implementa ida.

“Hosi partidu ida-idak mezmu sira tuur iha kadeira atu serví povu maioria, maibé sira nafatin harii partidu bainhira iha kadeira, lori partidu mai tuur iha kadeira, entaun ita la serví povu maioria, ita serví ho kores, tanba serví ho kores, ema potensiál barak la hetan fatin, ita nega matak ema nia kapasidade”, Bela Galhos hateten.

Nia hatutan tanba ne’e husu ba jornalista sira atu haree ba situasaun sira hanesan ne’e, tanba partidu polítiku sira ida-idak mai ho sira nia polítika, maibé la muda populasaun ka komunidade sira nia moris ne’e ba oin.

Ativista ne’e hatete, ohin loron ema la haree ba o hatene saída? maibé o hatene sé? nia aumenta, sá tan ba feto sira ne’e risku barak tebes, tanba ne’e nia husu ba governu atu haree situasaun ida ne’e ho sériu.

Print Friendly, PDF & Email

LEAVE A REPLY

Please enter your comment!
Please enter your name here