Home Saude Detekta Pozitivu COVID-19 Foun nain 6 Iha BTN Tasi Tolu no 1...

Detekta Pozitivu COVID-19 Foun nain 6 Iha BTN Tasi Tolu no 1 Iha Bebonuk

1421
0
Koordenador Forsa-Tarefa ba Prevensaun no Mitigasaun Surtu COVID-19 iha Timor Leste, Dr. Rui Maria de Araújo. [Foto: David da Costa | 05.03.2021]

Reportazen Francisco JDA

Centro Integradu Jestaun Krize (CIJK) hala’o konferensia imprensa hodi relata situasaun virus Corona ne’ebe kontinua ameasa populasaun. Ba jornalista sira Koordenador Forsa Tarefa ba Prevensaun no Mitigasau  Surtu COVID-19, Dr Rui Maria Araujo informa katak, progresu ne’ebé detekta iha Tasi Tolu suku Madoi, hafoin detekta kazu foun rua iha orseik, nune’e ohin loron tomak ekipa saúde buka tuir kontaktu besik hotu ba kazu rua refere ho ezersijiu ohin detekta tan kazu nain 6 iha Tasi Tolu BTN 2, hosi swab test ne’e, detekta tan kazu 1 iha Bebonuk.

“Ohin ekipa konjunta saúde buka tuir besik iha area Bebonuk no hasai ona hamutuk amostra 55, iha mós restreio aliatorio ka screening hala’o iha fatin lubuk ida, ne’ebé kazu positivu sira ne’e halao sira nia serbisu ba, ita rekolha porvolta 300 amostras ohin kalan Laboratorium Nasionál sei halo analiza ba amostra sira ne’e hotu no aban loraik ita sei bele hatene nia rezultadu”, hateten Dr.Rui Maria Araujo iha CCD,08/03

Dr.Rui Arauju reforsa tan, kazu Bebonuk ne’e, bolu ho naran random sample, “ba sira ne’ebé hanesan ita identifika fatin risku sira, ne’ebé serbisu iha area saneamentu nian. Hosi sample 100 hetan positivu nain ida iha Bebonuk, no ohin halo ona kontaktu ba restreio besik ba kazu ne’e, ita foti ona 55 amostra iha Bebonuk para halo analiza, nune’e aban sei alarga tan restreio ida ne’e ba fatin sira seluk”.

Print Friendly, PDF & Email

LEAVE A REPLY

Please enter your comment!
Please enter your name here