Home Notisia TMR: Tuir Informasaun Família Max Stahl Hakarak Lori Fila nian Sinzas Mai...

TMR: Tuir Informasaun Família Max Stahl Hakarak Lori Fila nian Sinzas Mai TL

4755
0
Primeiru Ministru Taur Matan Ruak. [Foto: Santy | 28.10.2021]

Reportajen Santina Lucia da Costa

Primeiru Ministru Taur Matan Ruak, lori Governu nia naran hato’o sentidu lutu ba falesimentu éroi Max Stahl ne’ebé hakotu iis iha loron 28 Outubru 2021, tuku 04:30 iha Brisbane, Australia. Prosesu akremasaun (sunu), tuir relijiaun matebian nian, no posibilidade família lori de’it saudozu nia Cinzas mai Timor-Leste.

“Manifesta sentimentu kondolensia, lakon jornalista ida, amigo Timor nian, fó korajen ba nia familia sira atu bele akompanha situasaun ho serenidade  kalma, forsa no korajen.” Hateten, Primeiru Ministru, Taur Matan Ruak ba Jornalista sira, hafoin enkontru semanal ho Prezidente Republika, Dr. Francisco Guterres Lu-Olo, iha Palasiu Prezidensia, Nicolau Lobaro, Bairu –Pite, 28/10.

Primeriu Ministru afirma, Max Stahl ninia partisipasaun iha 12 Novembru 1991, ne’e importante,  tanba ne’e ita nia Parlamentu Nasional  fó sidadaun honorariu ba nia, ita konsidera hanesan Timoroan mós, ho nia aktus sira ne’e, la’os de’it 12 Novembru 1991, mais relasaun ho FALINTIL sira iha ai-laran mós di’ak, entrevista no vizita ne’ebé  nia halo, liuliu ho ita nia maun Saudozu David Alex Daitula.

Iha sorumutu ho Prezidente Republika alerta ba governu, hodi akompanha funebre saudozu Max Stahl.

“Ami preparadu los ita haree tok prosesu ne’ebe lao, se presija apoiu, naturalmente ami sei fo tuir kbiit no kondisoens ne’ebe ita iha. no Governu agora haree hela para tau matan, liuliu Timor oan sira ne’ebé serbisu iha Sentru Audio Vizual Max Stahl. Osan mean boot ita timor nian iha ne’eba, iha tempu badak haree  dalan para kontinua tau matan ba sira.” Dehan, Taur Matan Ruak.

Xefe Governu akresenta, Tuir informasaun ne’ebé  hatene ne’e,  familia hakarak lori fila ninia Cinzas, mais sei liu prosesu transladasaun matebian nia isin sei la lori mai Timor, maibé  ninia latun sei lori mai. Prosesu akremasaun, tuir relijiaun matebian nian, depois nia latun mak mai, buat ki’ikoan ida familia sira lori mai.

Taur dehan simu tiha informasaun iha semana hirak liu ba, maibé seidauk ofisial, tanba ne’e governu hein de’it, prosesu saida mak la’o oin.

Print Friendly, PDF & Email

LEAVE A REPLY

Please enter your comment!
Please enter your name here