Home Saude TL Kompleta COVID-19 Tinan ida, Ohin Deteta Kazu Konfirmadu Foun Total 55

TL Kompleta COVID-19 Tinan ida, Ohin Deteta Kazu Konfirmadu Foun Total 55

346
0
Ilustrasaun virus Corona. [Foto: Copyright google | 07.03.2020]

Reportazen Zevonia Vieira

Timor-Leste ohin kompleta tinan ida, hodi deteta kazu COVID-19, ne’ebe sura hosi momentu hahu kazu COVID-19 iha loron 21 Marsu 2020 ne’ebe deteta kazu importasaun nain ida iha tinan ida liu ba, iha cluster hotel Katuas.

Ohin loron 21 Marsu 2021, ekipa vizilansia detetan kazu konfirmadu foun COVID-19 hamutuk 55,  iha municipio Dili deteta kazu foun 43, Baucau nain 11 no Viqueque nain 1.  Liu hosi zoom press conference, Koordenador Forsa-Tarefa ba Prevensaun no Mitigasaun Surtu COVID-19 iha Timor Leste, Dr. Rui Maria de Araújo relata katak evolusaun surtu COVID-19 iha Dili ba loron ohin 21 Marsu 2021, detetan tan kazu konfirmadu foun COVID-19 ho numeru ne’ebe as hamutuk 43.

Kazu pozitivu 1, hela iha Aldeia Berbidu, Suku Becora, Posto Administrativu Cristo Rei, pozitivu ida ne’e kontaktu-besik ho kazu konfirmadu iha cluster HNGV. Kazu pozitivu 9, hela iha Aldeia Bidau Tokobaru 2, Suku Kulu-hun, Postu Administrativu Cristo Rei, pozitivu hirak ne’e kontaktu-besik ho kazu iha cluster hanesan, ne’ebé anunsía horiseik loron 20 Marsu.

Kazu pozitivu 26, hela iha Aldeia 20 de Setembro, Suku Bebonuk, Postu Administrativu Dom Aleixo. Pozitivu hirak ne’e kontaktu-besik ho kazu iha cluster hanesan.  Kazu pozitivu 7, hela iha Aldeia Grilos, Suku Gricenfor, Postu Administrativu Nain Feto, pozitivu hirak ne’e kontaktu-besik ho kazu husi cluster hanesan. Ho nune’e, kazu detetadu ka pozitivu iha Munisipiu Dili husi loron 7 Marsu 2021 to’o ohin, 21 Marsu de 2021 hamutuk 179.

Kazu detetadu 179 iha Dili ne’e, fahe ba cluster 34, namkari iha instituisaun 4, eventu 1 & Suku 10, & fatin kuarentena 1, iha Postu Administrativu D. Aleixo, Vera Cruz, Nain Feto & Cristo Rei.

Iha Baucau deteta kazu foun hamutuk 11, hamutuk hotu Munisipiu Baucau deteta ona kazu konfirmadu nain 19. Kazu foun hirak ne’e, hela iha Aldeia Builai, Suku Buibau, Baucau Vila. Kazu konfirmadu hirak kontaktu-besik ho kazu husi Aldeia Lamegua ne’ebé anunsia iha dia 19 de Marsu.

Situasaun iha Viqueque mos ohin loron deteta kazu foun nain 1,  hamutuk hotu Munisipiu Viqueque deteta ona kazu konfirmadu nain 4. Kazu foun ida ne’e, hela iha Aldeia Mamaluk (Beloi), Suku Karaubalu, Viqueque. Kazu konfirmadu ida ne’e kontaktu-besik ho profisionál saúde ne’ebé halo kursu pós-laboral iha UNTL & fila husi Dili ba Viqueque iha loron 8 Marsu.

Dadus jeral ba loron nian ohin mak ekipa vijilansia deteta kazu foun hamutuk 55, kazu rekuperadu nain 3, kazu ativu 206.

Kazu nain 55 ohin, iha mane nain 23, feto nain 32,  ema ho idade tinan 0-14 nain 13, ema ho idade entre tinan 16-67 iha nain 43. Ema sintomátiku nain 9, ema asintomátiku nain 46, husi horiseik mai ohin hamutuk hotu halo 425 testes PCR.

Dadus ne’ebé iha, hatudu katak husi 21 Marsu 2020 to’o 22 Fevereiru 2021, kazu Covid-19 ne’ebé deteta iha Timor-Leste, importadu no esporádiku. Hahú 22 Fevereiru 2021, hafoin deteta kazu iha Aldeia Klauhalek, Suku Belulik Leten, Postu Administrativu Fatumea, Munisipiu Covalima, Timor-Leste hahú tama iha faze transmisaun cluster ka transmisaun lokal, tuir definisaun OMS nian. Iha fulan ida ikus nia laran, fenómenu transmisaun cluster espalla mós iha Kapital Dili, Munisipiu Baucau no Munisipiu Viqueque.

Print Friendly, PDF & Email

LEAVE A REPLY

Please enter your comment!
Please enter your name here