Home Notisia MSSI Prontu Troka Fila Fali Fos A’at Ne’ebe Distribui Ba Estudantes, Presiza...

MSSI Prontu Troka Fila Fali Fos A’at Ne’ebe Distribui Ba Estudantes, Presiza Reklamasaun

501
0
Situasaun iha UNDIL estudante sira sim Fos hosi MSSI. [Foto: Ricky | 23.03.2021]

Reportazen Ricky Samlelo

Relasiona ho fos ne’ebe Ministeriu Solidariedade Sosial no Inkluzan (MSSI) distribui ba estudante Unversidade Dili iha loron hirak liuba, no deteta katak fos balun komesa aat no iha ular, Neon Metin halo konfirmasaun ho parte MSSI, hodi konfirma ba situasaun hirka ne’e.

Ba Neon Metin, Diretor Jeral Solidariedade Sosial no Inkluzaun, Rui Exposto hatan ba preokupasaun estudante Universidade de Dili (UNDIL) nian kona ba fós ne’ebe a’at, katak MSSI prontu troka fali fós ne’ebe mak a’at ba estudante sira, importante halo reklamasaun ba parte relevante

“Ba Universidade ho alin estudante sira hotu bainhira hetan fós ne’ebe a’at komunika fali ho ami nia parte Ministeiru Solidariedade Sosial no Inkluzaun (MSSI), para ami troka fila fali fós ne’e, tamba ita la hatene katak fós ida agora dadauk iha armajen ne’e  por volta de 31 mill sakas, iha ne’eba parese balun ne’ebe iha okus liu ne’e bele manas, dehan Rui iha ninia servisu fatin MSSI 23/03.

Diretor Rui mos sublina tan katak fós ne’ebe mak fahe ba estudante no familia kbi’it laek sira,  Ministeiru Solidariedade Sosial no Inkluzaun simu husi Centro Nasional Lojístika no fós hirak ne’e sosa husi Vietnam iha tinan 2020, sente triste bainhira estudante sira publika iha facebook maibe lakohi kontaktu direita ba MSSI

Fós ne’ebe fahe baalin estudante no familia kbi’it laek sira ne’e ami mos hetan tutan fali husi sentru nasional lojístika fós hira ne’e sosa husi nasaun Vietnam iha tinan 2020 ninian, tamba ne’e mak ha’u sente tristi tebes bainhir hare’e estudante sira publika iha Facebook tuir lolos halo kontaktu mai direitamente ami ou ba Ministeiru Ensino superior hodi ita buka rezolve ba ita iha liña kordenasaun diak” dehan Rui Exposto

Nia hatutan Ministeiru Solidariedade Sosial no Inkluzaun(MSSI) serbisu hamutuk ho Ministeiru Ensino superior, apoiu estudante sira ne’ebe hela iha kos ho fós durante serka Sanitária.

Print Friendly, PDF & Email

LEAVE A REPLY

Please enter your comment!
Please enter your name here