Home Uncategorized Jornalista Sira Observa Direita Isolamentu Tasi Tolu, Dr. Nilton: Isola Pasiente Atu...

Jornalista Sira Observa Direita Isolamentu Tasi Tolu, Dr. Nilton: Isola Pasiente Atu La Daet Ba Ema Seluk

423
0
Koordenador Pillar VII, Dr. Nilton do Carmo da Silva. [Foto: Francisco JDA | 30.03.2021]

Reportazen Zevonia Vieira

Ekipa jornalista frontline halo tour ka visita ba sala isolamentu Tasi Tolu, hodi observa direita konaba situasaun no kondisaun pasiente COVID-19 iha fatin refere.

Iha fatin hanesan jornalista sira halo entrevista ho Koordenador Pillar VII, Dr. Nilton do Carmo da Silva, hodi hatene klean liutan sala isolamentu Tasi Tolu no oinsa atendimentu hosi parte pesoal saude sira ba pasiente COVID-19.

Tuir Dr. Nilton nia esplikasaun katak total kuartu iha sala isolamentu Tasi Tolu hamutuk 150 ho haris fatin moldenu 4 no kada haris fatin fahe ba sala 4 no agora dadauk sei harii haris fatin foun ida no iha prosesu nia laran no kada kuartu iha fasilidade hanesan kama, kulsaun kadera no meja.

Relasiona ho kazu lijeiru, tuir Dr. Nilton nia esplikasaun katak kazu lijeiru siginifika ita izola deit pasiente atu labele transmite virus ba ema seluk.

“Sira tama iha ne’e ho modelnu asintomatiku, bainhira ita bolu ho sintomátiku mak hanesan isin manas, inus been no mear. Bainhira virus ne’e laiha ona sira nia laran, sira bele rekupera no reintegra fali ba nia familia”, dehan Dr. Nilton ba jornalista sira, iha fatin isolamentu Tasi Tolu, 30/03.

Oinsa limpeza ba kuartu sira, troka lensól no sasan sira ne’ebe uza iha kuartu?

Iha kazu lizeiru ita uza konsetu katak emak idak-idak organiza nia an iha nia kuartu. Iha ne’e ita prepara aisar no hena hodi hamoos rai sira, entaun pasiente sira mak iha inisiativa hodi hamoos rasik sira nia fatin ka halo exersiziu. Bainhira sira presiza buat ruma, ami sempre fasilita.

Dr. Nilton dehan entre pasiente positivu la hamosu risku entre sira, tanba sira koñese malu ona no atu extende tan sira nia durasaun ne’e laiha.

“Kazu lijeiru ne’e ita trata kazu asintomatiku ka laiha gejala, se nia isin manas ita fo aimoruk isin manas, inus been fo aimoruk inus been nian, se tensaun fo aimoruk tensaun nian, maibe se kazu lijeiru ita so observa los deit no lalais liu mak loron 10 sira isola an”, dehan Dr. Nilton, 30/03

Tuir observasaun Neon Metin iha sala isolament Tasi Tolu, parte mediku sira kontinua desinfeta fatin sira kada loron no esteriliza fatin sira ne’e, hodi hamate virus sira atu la hamosu risku ba ekipa frontline sira ne’ebe halo movimentu iha fatin refere, inklui jornalista sira.

Observasaun seluk ne’ebe Neon Metin hetan katak pasiente sira iha ne’eba kontinua uza maskra no idak-idak hakmatek iha sira nia fatin, bainhira jornalista sira dadalia ho sira, ho laran kontente sira responde perguntas ne’ebe jornalista husu.

Print Friendly, PDF & Email

LEAVE A REPLY

Please enter your comment!
Please enter your name here