Home Notisia Inundasaun Dili, Marcos Lakon nia Fen no Oan ida Tinan 2 To’o...

Inundasaun Dili, Marcos Lakon nia Fen no Oan ida Tinan 2 To’o Agora Sedauk Hetan

736
0
Komunidade iha Suku Comoro, aldeia Moris Foun, Bairo Malinamuk. [Foto: Francisco JDA | 06.04.2021]

Reportazen Francisco JDA

Relasiona ho inundasaun ne’ebé akontese iha Loron 4 Abril, kuaze populasaun afeta ba inundasaun refere. Nune’e dadus provisoriu ne’ebe rekolla iha loron 6 Abril iha meudia, ema ne’ebe mate total iha teritorio laran tomak 34, no barak mak sei lakon tuir dadus hosi Protesaun Sivil, no Protesaun Sivil sei kontinua buka, iha fatin sira ne’ebe akontese inundasaun boot

Hafoin jornalista hamutuk ho Sekreatiriu Estadu Protesaun Civil (SEPS) Joaquim Martins  halo vizita ba fatin risku sira, ne’ebé mós afeta mos ema mate iha Suku Comoro, aldeia Moris Foun, Bairo Malinamuk,  hosi akontesimentu ne’e familia matebian, Marcos dos Santos ne’ebé mós lakon nia kaben matebian Maria Fatima Colo, Informa katak indundasaun ne’e hanesan mehi ne’ebé la hatene atu halo saida los, tanba derepenti de’it akontese nune’e lakonsege salva, kaben ho oan kiik idade tinan 2 fulan ida.

“Akontesimentu ne’e ami hamutuk na’in 5 hela iha uma ida, ha’u ho ha’u nia  kaben, ho oan nain tolu, ha’u toba iha varanda ha’u nia oan ho kaben toba iha uma laran, fofoun ne’e vizinho sira nia uma mak ameasa, entaun sira fo hatene ha’u salva hela iha uma, tanba rai halai oituan ona, maibé hanesan mehi ha’u hakfodak uma ne’e tetuk ona, entaun ha’u halai ba ha’u nia oan feto boot iha tahu laran ona, nia hakilar mai dehan apa ajuda ha’u lai, nune’e ha’u halai ba salva fali nian, la kleur feto kiik ida tan hakilar apa ajuda ha’u, tan ha’u atu mate ona, entaun ha’u ba ajuda tan mas ha’u la hatene, ha’u nia kaben ho ha’u nia oan kiik tinan 2 ha’u la hatene iha ne’ebé,” hatete Familia Matebian Marcos dos Santos iha uma Matebian Aldeia Moris Foun Suku Comoro, 06/04

Maske Marcos Dos Santos labele salva nia kaben, Maria Colo ne’ebé haloot ona iha simiteriu, no oan ikus José Brito dos Santos ho idade tinan 2 fulan ida, mak to’o agora seidauk hetan, maibé  ekipa Bombeiros kontinua buka tuir hela labarik ne’ebé lakon.

Ho nune’e Marcos dos Santos nia oan nain rua ne’ebé konsege salva,  dadaun ne’e bá hela ona ho madre sira iha asrama Balide.

Print Friendly, PDF & Email

LEAVE A REPLY

Please enter your comment!
Please enter your name here