Home Notisia Remixio Estrada Kotu, KEUPAR ezije MOP Hadia Lalais Estrada Nune’e Komunidade Bele...

Remixio Estrada Kotu, KEUPAR ezije MOP Hadia Lalais Estrada Nune’e Komunidade Bele Buka Moris

542
0
KEUPAR iha konferensia imprensa. [Foto: Adalgisa Pereira | 28.04.2021]

Reportazen Adalgisa Pereira*

Hare ba dezastre natural ne’ebé mak akontese iha loro 4/04/2021, kuaze iha Timor laran tomak, no komunidade barak hetan afeta hosi inundasaun ne’e, liu hosi konferensia imprensa, Klibur Estudante Universitário Posto Administrativo Remexio (KEUPAR) deklara katak hanesan klibur estudante ida ne’ebe mak halibur estudante universitário Remexio oan hotu Portavos, Luisa Fernandes da silva Liu husi konferensia imprensa husu ba Ministeriu relevante sira atu haree preokupasaun ne’ebe mak oras nee dadaun komunidade iha Remexio hasoru tamba estrada ligasaun Remixio kotu total

“Ami husu atu hadia lalais estrada ligasaun Remexio ne’ebe hetan estragus total iha loron 4 Abril 2021 , atu nunee komunidade sira bele asesu fila fali dalan refere hodi bele buka moris,” dehan Luisa Fernandes iha UNTL Kaikoli 27/04

Nia hatutan besik ona fulan ida populasaun Remexio sedauk hetan apoio emergensia husi governu, liu husi parte relevante sira , hodi bele haruka ona ekipamentus sira tun ba ke’e dalan ne’ebe mak kotu total, maske problema nee Administrador Posto Administrativu hato’o ona ba parte relevante, maibe seidauk iha resposta.

Ho nune’e universitariu Remixio oan  husu nafatin ba Minesterio Obras Públiko (MOP) no Institu Gestaun Ekipamentus Impreja Públiku ( IGE – IP ), atu bele tau konsiderasaun seriu ba estrada ligasaun posto administrative Remexio ,neebe kotu total hodi nunee  komunidade iha area refere bele halo aktividade hanesan baibain.

*(Adalgisa Pereira nudar estudante UNTL ne’ebe halo estajiu iha Neon Metin)

Print Friendly, PDF & Email

LEAVE A REPLY

Please enter your comment!
Please enter your name here