Home Saude CIJK: Konsulta ka Baixa Iha HNGV Tenke Halo Teste PCR, Atu Determina...

CIJK: Konsulta ka Baixa Iha HNGV Tenke Halo Teste PCR, Atu Determina nia Infetadu ka La’e

230
0
Ilustrasaun oinsa halo teste uza Swab test ba moras Covid-19. [Foto: Health Transformation | 18.04.2020]

Reportazen Zevonia Vieira

Situasaun surtu COVID-19 kontinua sai preokupasaun, no halo ema barak tauk atu ba ospital atu baixa, tanba rumoris ne’ebe mak kontinua espalla iha sosial media. Liu hosi komunikadu imprensa Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Dr Rui Maria de Araújo informa katak ema moras ne’ebé ba konsulta ka baixa iha Hospital Nasional Guido Valadares (HNGV), tenki halo teste PCR atu bele determina se nia infetadu ka la’e, hodi nune’e bele prevene hada’et tutan virus corona ba ema seluk iha ospitál laran.

“Wainhira pozitivu, tratamentu ba ninia moras sei hala’o iha fatin izolamentu iha Vera Cruz, husi mediku sira no tuir protokolu tratamentu ba ninia moras, ne’ebé uza iha HNGV”, informa Dr. Rui, 03/05.

Dr. Rui mos informa ba públiku katak, fatin atu halo teste PCR maka hanesan tuir mai katak wainhira sente moras isin-manas, mear, kakorok moras ka sintoma seluk tan, bele ba konsulta iha Centru Saúde ne’ebé besik, atu bele halo swab.

Wainhira atu husu autorizasaun esepsionál sai husi serka sanitaria iha Dili bele ba halo swab iha Centro Convenções Dili (CCD),  wainhira sente katak sai kontaktu-besik ba ema ruma ne’ebé detetau pozitivu ona, no seidauk hetan kontaktu husi ekipa konjunta saúde, bele liga ba numeru 119, atu organiza oinsá foti swab.

Ekipa Saúde na Familia (SnF) iha Centru Saúde sira iha Dili, halo mós vizita ba bairo ho aldeia sira ne’ebé detetadu kazu barak ona. Sira ne’ebé iha sintomas, ka sente kontaktu besik ho kazu pozitivu ruma, bele hakbesik ba sira hodi halo swab

Print Friendly, PDF & Email

LEAVE A REPLY

Please enter your comment!
Please enter your name here