Home Saude Numeru Konfirmadu Pozitivu COVID-19 Barak Liu Jovem, La Hatudu Sintomas

Numeru Konfirmadu Pozitivu COVID-19 Barak Liu Jovem, La Hatudu Sintomas

279
0
Ilustrasaun virus Corona. [Foto: Copyright google | 07.03.2020]

Reportazen David da Costa Gusmao

Numeru konfirmadu pozitivu COVID-19 iha Timor-Leste persentazen boot liu mak idade jovem. Informasaun hirak ne’e relata hosi Koodenador Jeral ba COVID-19, Odete Da Silva Viegas ba jornalista sira katak, ema ne’ebe pozitivu COVID-19 iha Timor barak liu mak jovem ka foinsa’e, tanba sira bele halo riajem hasoru virus, entaun la dezenvolve sintomas hanesan isin manas no mear, maibe la siginfika kona deit joven sira, mais kona hotu mos ema ne’ebe idade avansadu.

“Ita koalia kona ba virus, depende ba ema nia sistema imunidade. Virus ne’e kontribui bainhira ita nia sistema imunidade ne’e tun, signfika ita han la dun diak, ita la dun deskansa oras ne’ebe determinadu, ita hanoin barak no stress ida ne’e mos hola parte. Se faktores sira ne’e mak iha ita nia isin, aumenta tan mak ita ne’ebe moras entaun virus ne’e dezenvolve lalais,” dehan Odete da Silva iha Novu Tursimu Largo Lecidere, 6/04.

Nia haktuir maibe iha kazu ne’ebe detetadu kuaze jovem no laiha sintomas ka la iha gejala, no mos deoende nafatin ba sistema imunidade ema ida-idak nian.

“Ita boot sira bele haree ema iha izolamemtu ne’e atu rekupera han tempu ouituan. Pozitivu hela deit, entaun ita halo konsellu ba sira,  meus ida atu fo hanoin ba sira katak virus ne’e iha duni, maibe ita boot mos tenke serbisu hamutuk, ita boot tenke hatene katak virus ne’e sei la sai husi ita boot nian isin bainhira la deskansa diak,  hanoin barak entaun virus ne’e sei dezenvolve nafatin”, nia esplika.

Nia hatutan virus ne’e kona barak ka numeru boot liu mak  joven sira, maibe laiha sintomas ida ne’e mos risku boot, nia bele transmite lalais ba ema seluk, iha tempu ne’ebe nia halo movimentu, maibe ekipa saude sei buka meus ida atu bele kombate virus ida ne’e nafatin.

Print Friendly, PDF & Email

LEAVE A REPLY

Please enter your comment!
Please enter your name here