Home Saude Formasaun Ba Pesoal Saude Liña Frente, Psikolojia Baziku Oinsa Atende Pasiente COVID

Formasaun Ba Pesoal Saude Liña Frente, Psikolojia Baziku Oinsa Atende Pasiente COVID

363
0

Reportazen David da Costa Gusmao

Haree ba numeru kazu pozitivu COVID-19 ne’ebe sae makaas, Ministeriu Saúde (MS) kontinua kapasita mediku sira, hodi hasae sira nia abilidade psikolojia baziku ba profisional saude iha liña frente, atu responde ba COVID-19 iha Timor-Leste.

Ministra saude (MS), Odete Maria Freitas Belo esplika orientasaun ba pesoal saude liña frente ne’e atu aumenta sira nia mentalidade, hodi bele responde ba COVID-19 no moras seluk ne’ebe liga mos ho COVID-19.

“Ami prepara no orienta hela ami nia pessoal saude sira atu hare ba moras COVID-19 no mos moras seluk ne’ebe liga ho COVID-19, no ida ne’e espesial liu ba asuntu mentalidade ka psikolojia ema nian. Tanba ita hatene katak durante COVID-19 ida ne’e, Ministeriu Saúde hasai nia protokolu, atu hosi ema iha uma ka karantina durante loron 14 no izolamentu, ho buat sira ne’e hotu mak husik ema iha fatin ida entaun nee halo ema stress, liu liu sira ne’ebe karantena,” dehan Ministra Odete ba jornalista sira hafoin halo abertura ba orientasaun ba psikolojia iha Novo Turismu Lecidere 06/04.

Governante ne’e haktuir Ministeriu Saude ho Organizasaun Mundial Saúde (OMS) hato’o katak to’o ona tempu atu haree kondisaun ema nian, no laos hare deit ba COVIS-19 no oinsa haree mos pessoal saude sira nia mental no pessoal iha kuarentina no izolamentu.

Nia salienta, ho orientasaun psikolojia ba profisionais liña frente, ho objetivu atu bele hasae tan pesoal saude sira nia mentalidade bainhira atu halo atendemente ba sidadaun sira.

“Liu liu ba ami pesoal saude sira bainhira ba halo teste swab no tratamentu iha fatin izolamentu dala-ruma hetan insultus, iha mos asedu sexual, entaun ami haree katak ami presija prepara ami nia pesoal saude sira mais forte liu tan no mental fizikalmente hodi bele fo resposta ba iha asistensia mediku, ba maluk sira ne’ebe kontamina ka pozitivu COVID-19 no mos sira ne’ebe hela iha kuarentina,” nia esplika.

Ho nune’e orientasaun ba pesoal saude liña frente ne’e, sei halao durante loron rua nia laran no pesoal saude hira ne’ebe hola parte iha orientasaun hamutuk 30 resin, maioria husi Hospital Nasional Guido Valadares (HNGV).

Print Friendly, PDF & Email

LEAVE A REPLY

Please enter your comment!
Please enter your name here