Home Notisia Inundasaun, Uma Kain 1371 Iha Kampung Alor Simu Apoiu Emerjensia Hosi SEPS

Inundasaun, Uma Kain 1371 Iha Kampung Alor Simu Apoiu Emerjensia Hosi SEPS

164
0

Reportazen David da Costa Gusmao

Komunidade afetadu hosi inundasaun ne’ebe akontese iha loron 4 Abril hamutuk 1371 iha Suku Kampung Alor, postu Administrativu Dom Aleixo ohin simu ona apoiu emerjensia husi Sekretaria Estadu Protesaun Sivil (SEPS), iha sede Suku Kampung Alor.

Sekretariu Estadu Protesaun Sivil (SEPS), Joaquim Gusmăo dos Reis Martins informa katak apoiu ne’ebe distribui ona ba vitima sira iha suku refere, maioria nesesidade baziku ho karakter apoiu emerjensia.

“Apoiu umanitariu mak hahan no laos hahan mak hanesan sasan dapur. Hahan maka fos, bollaxa, mina hahan instant kafe, masinmidar, no mos la’os hahan nian mak hanesan iha taxu, sanan, bikan, kanuru, iha laran”, dehan  Joaquim hafoin distribui apoiu ba komunidade afetadu sira iha Sede Suku Kampung Alor, Tersa 11/05.

Nia haktuir apoiu hirak ne’e la’os atu rezolve total sofrimentu ne’ebe komunidade sira hasoru maibe oinsa mak bele hamenus netik sira nia susar, durante hasoru dezastre natural liuba ne’e.

Iha fatin hanesan Xefe Suku Kampung Alor, Alcina Carvalho Santos dehan komundade afetadu hosi inundasaun iha nia suku hamutuk 1371,  kompostu husi Aldeia Zero 01, ho total ema nain 230, Zero 02 iha 264, no Zero 03 iha 877, maibe komunidade  sira ne’ebe hetan afetadu grave liu, kuaje rihun 1 resin.

“Apoiu umanitariu ida ne’e, momentu ita nia dezastre akontese, afeta ba Timor laran tomak, ita nia protesaun sivil mai to’o duni iha ne’e, foti dadus sira ne’e. Hakarak agradese ba governu mezmu tarde, maibe nia espritu ida ne’ebe di’ak, hakarak apoiu duni nia ema sira,” hateten Sefe Suku Alcina.

Print Friendly, PDF & Email

LEAVE A REPLY

Please enter your comment!
Please enter your name here