Home Saude Numeru Kumulativu Presiza Hospitalizasaun no Kazu Mate Ho COVID Kontinua Sae

Numeru Kumulativu Presiza Hospitalizasaun no Kazu Mate Ho COVID Kontinua Sae

269
0
grafiku baizxa iha ospital. [Foto: Dok. CIJK | 17.05.2021]

Reportajen Zevonia Vieira

Surtu COVID-19 iha Timor-Leste hahu hosi Marsu to’o Maiu 2021 kontinua hatudu numeru ne’ebe sae, liu-liu iha kapital Dili.

Rezumu epidemologiku hosi 10 Maiu – 16 Maiu turi grafiku ne’ebe prepara hosi Centro Integradu Jestaun Krize (CIJK), hatudu konaba hospitalizasaun no mortalidade Aproximadamente 15% husi kazu ne’ebé diagnostikadu iha Timor-Leste, entre loron 10 Maiu 2021 no 16 Maiu 2021 ne’e sintomatiku, ne’ebé hatudu iha aumentu 7%, iha inisiu fulan Abril 2021.

Desde 1 Marsu 2021, iha ema nain 92 ho COVID-19, mak presiza ona hospitalizasaun. Numeru hospitalizasaun nian ne’e inklui deit ema sira ho moras moderadu, grave no kritikal, ne’ebé mak presiza halo tratamentu iha fasilidade saúde espesializadu ba COVID-19.

Iha gráfiku hatudu konaba kazu sira ne’ebé mak presiza ona hospitalizasaun, desde Marsu 2021, iha barra kor verde. Linha azul hatudu konaba númeru kumulativu, husi ema sira ne’ebé mak presiza ona hospitalizasaun. Tamba númeru kazu kontinua aumenta, entaun númeru husi ema moras ne’ebé mak presiza hospitalizasaun mos sei aumenta, nu’uné mos ema mate.

grafiku ema mate ho COVID-19. [Foto: Dok. CIJK | 17.05.2021]

To’o ohin loron agora, iha ona ema nain 10 mak mate ho COVID-19 iha Timor-Leste, inklui ema nain 5 ne’ebé mate, iha ita nia relatoriu ikus liu.

Print Friendly, PDF & Email

LEAVE A REPLY

Please enter your comment!
Please enter your name here