Home Notisia Uma Kain 66 Iha Suku Laisorulai de Baixo-Quelicai La Asesu Eletrisidade To’o...

Uma Kain 66 Iha Suku Laisorulai de Baixo-Quelicai La Asesu Eletrisidade To’o Ohin Loron

529
0
rai Quelicai. [Foto: copyright google | 17.05.2021]

Reportajen David da Costa Gusmao

Uma kain 66  iha Suku Laisorulai de Baixo, Postu Administrativu Quelicai Munisipiu Baucau seidauk asesu liña eltrisidade, hahu hosi tempu okupasaun Indonesia to’o  ukun an.

Xefe Laisorolai  de Baixo Julio Farkhus Pinto informa ba Neon Metin katak iha komunidade uma kain  hamutuk 66 iha suku Laisorolai  de Baixo mak seidauk asesu total ba iha liña eletrisidade to’o ohin loron.

“Iha hau nia suku ne’e iha uma kain 66 mak la asesu ba iha liña eletrisidade, sira labele asesu ba eletrisidade tanba dook husi liña eletrisidade ne’e mak labele asesu, maibe hau sei esforsu an atu nune’e sira bele asesu hotu ba eletrisidade,” dehan Xefe suku Laisorolai de Baixo ba Neon metin  liu hosi via WhatsApp, Domingo 15/05.

Nia informa katak halo ona levantamento  no mos halo ona proposta ba EDTL iha maibe to’o agora seidauk hetan informasaun.

Nia sujere ba parte relevante sira atu tau atensaun ba problema sira ne’ebe komunidade  hasoru iha baze, liu-liu  iha suku Laisorolai de Baixo ne’ebe ne’ebe la asesu eletrisidade, parte relevante sira tenke haree ba prolema sira ne’e, hodi bele responde komunidade sira nia prekupasaun.

“Hau nudar reprezentativu no aspirativu povu nian, nafatin hato’o ba governante atu tau atensaun ba infra-estrutura bazika hodi nune’e hakmaan netik nesesidade povu nian iha pais demokratiku ne’e,” nia dehan.

Iha Suko Laisorolai de Baixo Posto Administrativa Quelicai iha aldeia haat hanesan Aldeia Dara-Oma, Aldeia Lego, Aldeia Sauacassa no Aldeia Ulusoru, no  total populasaun 1.886.

Print Friendly, PDF & Email

LEAVE A REPLY

Please enter your comment!
Please enter your name here