Home Notisia Kazu Lahane, PNTL Sei Prosesa Tuir Investigasaun Kriminál no Dixiplinár

Kazu Lahane, PNTL Sei Prosesa Tuir Investigasaun Kriminál no Dixiplinár

1644
0
Komandante Nasionál Operasionál Superintendente Xefe, Pedro Belo. [Foto: Francisco JDA | 05.06.2021]

Reportajen Francisco JDA

Akontesimentu membru Polisia Nasionál Timor Lorosa’e (PNTL) tiru mate sidadaun nain 2 no ida kanek todan iha Lahane, madrugada loron 5/06.

Liu hosi konferénsia imprensa Komandante Nasionál  Operasionál Superintendente Xefe, Pedro Belo ba jornalista sira hateten, Komandu rekoñese katak kazu ne’e akontese, nune’e sei uza prosedimentu kriminál no dixiplinár, nune’e Komandante Jeral orienta ona Polísia Nasionál Investigasaun Criminal Sientífiku (PNSIC) no Polisia Sientífiku Investigasaun Criminal (PSIC) hodi halo prosesu inisiál, nune’e sei  entrega ba Ministériu Públiku hodi entrega ba Tribunal, atu bele foti desizaun ba kazu ne’e, maibé  Komando Jeral mós sei uza nia kompeténsia hodi foti desizaun.

“Ita hotu hatene katak ne’e prosesu inisiál no lei dixiplinár fó dalan ba Komando Jeral para foti asaun balun iha tempu badak, ba ida ne’e ita hotu entrega ba iha prosesu Investigasaun kriminál no dixiplinár nian, tanba kazu ne’ebé mak akontese relasiona  mate no kanek  nia prosesu  finalidade mak iha tribunal”, hateten Belo iha nia knaar fatin, Kaikoli, 05/06

Komandante Nasionál Operasionál Pedro Belo reforsa tan, prosedimentu atu membru Polisia sira uza kilat ne’e iha duni, maibé PNSIC no PSIC sei serbisu hamutuk, nune’e tau matan hosi Ministériu Publiku atu nune’e ninia prosesu ne’e justu.

“Ita hotu akompaña  atu hatene nia rezultadu, hein bainhira aprezenta ba Tribunal, segredu justisa la’ós ha’u fakar iha ne’e, ita hotu akompaña de’it desizaun oinsá ita bele rona”, hateten Komandante Nasionál Operasionál Superintendente Xefe Pedro Belo.

Nia reforsa tan katak, membru Polisia ne’e iha 4 mil resin, se 4 mill ne’e mak polísia hotu brutal saida mak akontese iha Timor, tanba PNTL instituisaun estadu, nune’e ba membru Polisia ne’ebé la halo tuir regra no lei, sei prosesu tuir lei ne’ebé mak iha tuir prosedimentu kriminál no dixiplinár

Print Friendly, PDF & Email

LEAVE A REPLY

Please enter your comment!
Please enter your name here