Home Notisia PM Taur Kondena aktu Membru PNTL Tiru Mate Ema nain 2 no...

PM Taur Kondena aktu Membru PNTL Tiru Mate Ema nain 2 no Ida Kanek Todan

1058
0
Primeiru Ministru, Taur Matan Ruak. [Foto: Copyright Media PM | 18.06.2020]

Reportajen Zevonia Vieira

Akontesementu membru Polisia tiru mate ema nain 2 (aman ho oan mane) no ida kanek, liu hosi komunikadu imprensa ne’ebe Neon Metin asesu, Primeiru Ministru no nudar Ministru Interior (PM/MI), Taur Matan Ruak kondena ba aktu hasoru sidadaun rua ne’e iha Lahane.

Taur Matan Ruak dehan lamenta tebes no kondena hahalok elementu Polisia Nasional Timor-Leste (PNTL) ne’ebé mak tiru mate sidadaun na’in rua no ida kanek todan iha Lahane Osidentál, Sábadu madrugada no hato’o profundas sentidas kondolénsias ba família vítima hosi akontesimentu ne’e.

“Ha’u hakfodak no triste rona elementu PNTL ida ohin madrugada hodi arma Estadu nian tiru mate ita-nia sidadaun na’in rua no ida kanek todan iha Lahane Osidental, Ha’u la menta i kondena tebes aktu refere. Ita hotu la tolera ida ne’e, i hanesan Primeiru-Ministru no Ministru Interior, ha’u orienta ba Komandu PNTL para dezarma elementu ne’e, hatama ba sela hodi halo prosesu investigasaun”, dehan Primeiru Ministru Taur Matan Ruak, 05/06.

Primeiru Ministru no Ministru Interior,lori governu tomak nia anran hato’o profundas sentidas kondolénsias ba família matebian nian, no husu deskulpa boot ba família vítima sira, ba hahalok ne’ebé involve hosi elementu PNTL ne’e.

Xefe Governu mós kompremitidu, governu sei  hola medidas ne’ebé forte hasoru elementu Polisia ne’e, hodi bele responsabiliza ba aktu ne’ebé nia halo ona, no governu sei kontinua akompaña prosesu hotu no mós sei apoiu família matebian nian hodi hetan justisa ba akontesimentu ne’e.

Print Friendly, PDF & Email

LEAVE A REPLY

Please enter your comment!
Please enter your name here