Home Notisia SEJD Sei Koopera ho Governu Xina Iha Area Juventude no Desportu

SEJD Sei Koopera ho Governu Xina Iha Area Juventude no Desportu

741
0
SEJD ho Embaixador Xina iha TL. [Foto: Joselina | 29.07.2021]

Reportajen Joselina dos Santos

Governu liu husi Sekretáriu Estadu Juventude no Desportu (SEJD) hala’o enkontru ho  Embaixadór Republika Popular Xina iha Timor-Leste hodi halo Kooperasaun ba partisipasaun governu Timor-Leste iha Jogus Olimpikus ne’ebé sei hala’o iha Turquia.

Hafoin enkontru Sekretariu Estadu Juventude Desportu (SEJD),  Abrão Nokosiku Saldanha hateten ohin hala’o enkontru ho Embaixadór husi Repúblika Popular Xina nian ko’alia kona-ba posibilidade no operasaun iha area juventude no desportu nian.

“Ami agradese ba Embaixadór Xina nia  apoiu ba ita nia  luta Covid-19 nian no sira mos apresia ita, esforsu atu luta ba covid-19 no esplora oportunidade sira ba serbisu hamutuk iha area juventude no desportu nian,” dehan SEJD ba jornalista sira iha salaun  edifisiu SEJD, Kinta (29/07).

Nia esplika Embaixadór mai informa mos kona-ba tinan oin sira, sei sai uma na’in ba jogu olímpiku no sira husu Timor-Leste bele ba partisipa ka la’e, no sira informa ba Embaixadór Xina katak Timor-Leste hanesan nasaun tropikais ida  maibe iha atleta balun ne’ebe halo ida ne’e iha Fransa. Nune’e diskute mos kona-ba posibilidade kooperasaun iha área infraestrutura, áreas formasaun rekursus umanus nian ba seitór desportu nian.

“Winter Olimpiku nian, iha ita nia rain laiha ramu ba winter, tanba ita nasaun hanesan nasaun  tropikais maibé ita iha atleta Timor oan balun ne’ebé maka pratika ramu desportu sira”, nia relata.

Iha Fatin hanesan Embaixador Xina ha Timor-Leste, Xiaon Jiangou hateten ema hatene katak loron hirak liu ba SEJD simu Vasina Sinovac, tanba ne’e fo ezemplu di’ak ba povu Timor liu-liu ba foinsa’e timoroan sira para bele simu vasina.

Nia informa depois de aglumerasaun iha Surtu covid-19,  governu Xina fo apoiu lubuk ida ba Timor-Leste ekipamentu sira ne’ebé maka bele uza hodi luta hasoru covid-19 inklui vasina.

“Ha’u hanoin covid-19 ne’e, sei sai ameasa boot globalmente, ba ema hotu entaun ha’u mai atu hatudu ha’u nia komitmentu hamutuk ho governu Timor-Leste, iha luta kontra covid no SEJD hatudu ezemplu di’ak tanba hetan vasina husi Xina, ha’u hein katak ba oin parte rua sei koopera di’ak liu tan hodi kombate covid-19,” nia dehan.

Nia dehan jogu olímpiku ne’ebe sei halao iha Beijing tinan oin, tuir plau Timor-Leste sei haruka nia delegasaun hodi partisipa iha winter olímpiku

Print Friendly, PDF & Email

LEAVE A REPLY

Please enter your comment!
Please enter your name here