Home EduTek Reitór UNTL: Estudante Tenke Simu Vasina, Nune’e Bele Hahu Fali Aula Ho...

Reitór UNTL: Estudante Tenke Simu Vasina, Nune’e Bele Hahu Fali Aula Ho Normal

1200
0
Reitor Universidade Nasionál Timor Lorosa'e (UNTL), João Soares Martins. [Foto: David | 22.07.2021]

Reportajen Joselina dos Santos

Estudante sira tenki simu vasina, hodi nune’e bele hahu fali  aula lao ho normal, ba estudante sira ne’ebe mak kontra indikasaun ba vasina ne’e mak sira labele simu vasina no sira tenke hatudu provas labele vasina nian”. Reitor UNTL

Ministériu Ensinu Superior  Siénsia no Kultura (MESSK),  Longinhos do Santos hamutuk ho Reitór Universidade Nasionál Timor-Lorosa’e  (UNTL), João Soares Martins koopera hamutuk ho Ministra Saúde (MS) hodi reativa fila fali aula normal ba estudante sira.

“Eventu ohin ne’e normalmente atribui iha Orgánika Ministériu Ensinu Superior Agrikultura nian mak ho naran Konsellu Reitores, Konsellu Reitores ida ne’e por ano,  iha semestre 2 entaun iha tinan ida ne’e ba semester 2 nian”, dehan Ministru Longuinhos dos Santos ba jornalista sira iha salaun Delta Nova, kinta,(29/07).

Hafoin reuniaun Ministru Longuinhos dos Santos hateten objetivu iha reuniaun ida ne’e mak atu troka hanoin ideas kona-ba balansu atividade konfinamentu no suspensaun ba atividade koletiva prezidendial ba Ensinu Superior nian, ikus liu mak kooperasaun aula ba ensinu superior sira nian.

“Iha ajenda seluk mak sei informa liña kreditu ba Ensinu Superior mais kualidade iha Ensinu Superior sira ne’ebé mak hetan ona promulgasaun husi Prezidente da Repúblika, ita mos sei fahe ekipamentu ba Prevensaun Covid-19 nian liu-liu ba maskra hamutuk , hand sanitizer, sabaun ba fase liman termo scanner”, nia haktuir.

Iha ensinu Superior Públiku no mos ba privadu sira nia ba prosesu vasinasaun iha funsionáriu no dosente sira maioria halo ona vasinasaun.

Iha fatin hanesan Reitór Universidade Nasional Timor Lorosae (UNTL), Joao Soares Martins informa estudante sira ne’ebé mak durante ne’e tuir aula online la kompletu, mak  prepara atu halo aula rekuperasaun hanesan tinan kotuk,  maibé ba preparasaun ne’e laiha problema tanba  kondisaun importante mak estudante hotu-hotu tenki simu vasina.

“Estudante sira tenki simu vasina, hodi nune’e bele hahu fali  aula lao ho normal, ba estudante sira ne’ebe mak kontra indikasaun ba vasina ne’e mak sira labele simu vasina no sira tenke hatudu provas labele vasina nian,” nia deklara.

Estudante sira ne’ebé mak tuir ona vasina hamutuk (5 mil) mak simu ona vasina Astrazaneka ho Sinovac maibe estudante barak mak desloka ona ba munisípiu to’o agora seidauk hetan Vasina.

“Ami sei halo rejistu ba kada Fakuldade atu bele hatene estudante sira ne’ebé mak simu ona vasina, wainhira hahu aula, ami sei prepara ekipamentu hanesan bee ho sabaun para estudante sira bele fase liman no uza maskra hodi sira bele halo prevensaun nafatin”, dehan Reitór UNTL

Print Friendly, PDF & Email

LEAVE A REPLY

Please enter your comment!
Please enter your name here