Reportajen Joselina dos Santos
Forum Organizasaun Naun-Governamental Timor-Leste (Fongtil) ho Ministériu Koordenadór Asuntu Ekonómiku (MKAE), aprezenta reltoriu monitorizasaun ba programa Sesta Bázika iha territóriu tomak.
Liuhusi konferénsia imprensa Diretór Ezekutivu FONGTIL, Daniel dos Santos hateten husi monitorizasaun ne’e deskobre prinsipál rua mak hanesan deskobrimentu pakote nia kuantidade la hanesan tanba sasán hirak ne’e, lasura nia todan, mak hanesan fos nia kilo la to’o kilo 5.
FONGTIL mos deskobre konaba presu, iha Lei aprovizionamentu dehan katak iha kampaña ida manan ho lukru ne’e 10%, hanesan iha merkadu pastadente babain hola $0,50 cen, maibe tama iha pakote Sesta Baszka nia presu sae $1,50 signifika manan ne’e liu tiha fali 10%.
“Deskobre katak konflitu entre dekretu lei No.48 kona-ba Sezta Bázika katak montante ba osan sesta baziku $25 ba familia ida, mais iha lei la hateten klaru katak ema ida tenke $25 ka lae? signifika sasan balun ne’ebe mak populasaun sira simu, sempre mosu lamentasoens katak sasan Sesta Bazika ne’e la to’o $25”, dehan Daniel iha salaun FONGTIL, 16/08.
Ho problema hirak ne’e, FONGTIL rekomenda ba governu hodi hadia dadus tanba programa tenke iha dadus benefisiáriu, govenu aprova tiha osan mak foin buka dadus, signifika sira uza deit dadus ne’ebe uluk uma kain hetan $200, nune’e ikus mai dadus sira la hanesan
Iha Fatin hanesan Koordenadór Sexta Bazika Ministériu Koordenadór Asuntu Ekonómiku (MKAE), Fernando Araújo hatete, Programa Sesta Bázika ne’e iha tinan kotuk, sira halo implementasaun no prosesu ne’e lori mai to’o ohin loron, tanba ne’e informa ba públiku katak prosesu distribuisaun Sesta Bázika, normalmente finaliza ona, maibé sei falta mak lista pendente reklamante sira ne’ebé mak mai husi Munisípiu total 25 mill.
“Populasaun Iha territóriu tomak hamutuk ema nain 1.454,246 mak simu ona progarama Sesta Bazika, no populasun sira ne’ebé seidauk hetan Sesta Bázika hamutuk ema nain 25.382, tanba sira nia naran seidauk tama iha lista família entaun sira ne’e tama iha reklamantes,” dehan Koordenador Sesta Bázika MKAE.
Nia konklui katak atu hatan ba populasaun sira ne’ebe seidauk hetan programa Sesta Bazika, ekipa Sesta Bázika ho Ministériu Turizmu Komersiu no Industria halo ona planu katak iha tempu badak sei halo distribuisaun ba komunidade sira ne’ebé mak seidauk simu Sesta Bazika.
