Home Saude COVID-19, Populasaun Total 414,375 (55%) Simu Ona Vasina

COVID-19, Populasaun Total 414,375 (55%) Simu Ona Vasina

240
0
Vasina COVID-19. [Foto: Copyright Kompas | 12.01.2021]

Reportajen Santina Lucia da Costa

Komisaun Interministeriál ba Implementasaun vasina Covid-19 nian, apela ba populasaun elejivel sira simu vasina lalais atu bele proteze-an husi moras todan no mate tanba covid-19. Dadaun ne’e Timor-Leste vasina primeira doze ema 414,375 (55%) segundu doze ema 241,375 (32%).

Iha konferensia imprensa porta-voz, Komisaun Interministerial ba implementasaun vasina Covid-19, Dra. Danina Coelho hateten ho numeru kazu covid-19 ospitalizasaun no mate ne’ebé aumenta dezde fulan Agostu.  Timor-Leste agora halo korrida atu vasina populasaun sira ne’ebé mak elejivel, atu bele proteze sira-aan no komunidade tomak hasoru moras ida ne’e.

Porta-voz ba Komisaun Interministerial ba implementasaun vasina Covid-19, Dra. Danina Coelho haktuir desde inisiu pandemia ne e ita rejista ona ema mate hamutuk 102 iha Timor-Leste no fulan Agostu mak sai fulan ne’ebé todan, husi fulan Agostu to’o 17 Setembru, mate ona hamutuk 76 pessoa.

Dra. Danina Coelho dehan ita hatene katak vasina covid-19 fornese protesaun ne’ebé aas tebes hasoru moras grave covid-19, dalan ida di’ak atu próteze ita nia-an no sira ne’ebé ita hadomi  atu labele hetan moras todan ka mate tanba Covid-19 mak liuhusi vasina.

“Maioria mate ne’ebé  akontese ne’e ema sira ne’ebé seidauk simu vasina ne’e trájiku, tanba mate sira ne’e ita bele prevene liu husi vasinasaun.  Triste tebes, inan isin-rua no sira nia oan iha kanotak hela (seidauk partu) mós inklui hanesan vítima mortalidade husi covid-19 nian, inan sin rua sira iha risku-as atu hetan moras todan covid-19 nian, nune’e ami rekomenda atu hakbesik-an  fasilidade saude hodi simu akompañamentu.” hateten, Dra.Danina Coelho iha salaun MSSI, Kaikoli, 17/9.

Dra. Dinona Coelho akresenta vasina ne’ebé mak ita iha Timor ne’e, ita simu vasina ate agora liuhusi COVAX, husi rai sira ne’ebé mak fó doasaun mai hanesan Australia, Nova Zelandia, Xina, Japaun, Portugal hamutuk 1,112,650.

Dadus ne’ebe akumula konsege halo vasinasaun iha Timor laran tomak, iha Munisípiu barak mak atinjimentu ne’ebé mak di’ak tebes, portantu Timor laran tomak vasina primeira doze ita iha 54.9%, no segundu doze 32.0%.

Tuir dadus persentajen kobertura iha Dili ne’ebe siku vasina premeira doze iha 76,3%, segundu doze 62,6%, iha Oecusse vasina primeira doze 68.2%, segundu doze 22.8%,  Covalima,  vasina primeira doze 64.4%, segundu doze 24.6% Viqueque vasina Primeru doze 63.8%, segundu doze 33.3%.”

To’o ohin loron total ema nain 414,375 ka porsentu 55 husi populasaun tomak mak Simu Ona doze dahuluk husi Vasina covid-19, no ema na’in 241, 874 (32%) Mak Simu Ona Sira Nia doze daruak no Kompleta ona sira nia Vasina. 

Timor-Leste rejista ona kazu covid-19 hamutuk, 18,856 no na’in 102 mak mate ona.

Print Friendly, PDF & Email

LEAVE A REPLY

Please enter your comment!
Please enter your name here