Home Justisa KI Prefere Liu Cyber Crime (Krimi Cibernetiku) Duke Lei Defamasaun

KI Prefere Liu Cyber Crime (Krimi Cibernetiku) Duke Lei Defamasaun

506
0
Konsell Imprensa halo konferensia imprensa. [Foto: Alan Smile | 10.06.2020]

Reportazen Zevonia Vieira

Projetu Lei Defamasaun ne’ebe oras ne’e dadauk Ministeriu Justisa prepara esbosu, hamosu preokupasaun hosi Konsellu Imprensa (KI) tanba bele hamate Liberdade imprensa no espresaun.

Prezidente Konsellu Imprensa, Virgilio Guterres liu hosi konferensia imprensa husu ba Ministeriu Justisa prefere atu kria  Krime Cibernetiku (cyber crime) duke Lei Defamasaun.

“Preferensia hosi KI ba Ministeriu Justisa no sira seluk mak hahu ona investe ba rekursu umanu sira, ne’ebe bele halo elaborasaun ba krimi cibernetika, tanba Lei cibernetika ne’e ita koalia konaba fake no Deepfake (krimi terorismu, pornografiku, pedefolia, mafia sira uza rede atu halo brangkamentu atu halo asalatu ba ema nia konta bangkaria) prosesu identifikasaun ne’e la fasil. Ida ne’e mak hau hanoin Ministeriu Justisa tenke buka referensia barak hosi rai seluk. Estadu tenke hahu kapasita instituisaun PCIC, Ministeriu Publiku tenke iha ona ekipa ba iha krime cibernetiku, intelejensia tenke hatene identifika uza rede sosial, uza linguajen odiu no inisita violensia, hodi estraga ordem  publika, se estraga ordem publika ne’e ameasa demokrasia”, hateten Virgilio iha salaun KI, 09/06.

Relasiona ho kria krime cibernetiku Virgilio hateten Konsellu Imprensa pronto kontribui ba kualker elaborasaun ba Lei neebe relasiona ho liberade imprensa no espresaun tanba ne’e Lei krimi cibernetika ne’e importante liu.

Prezidente KI mos hateten iha fulan rua kotuk liuba, Konsellu Imprensa akompanha katak nain ulun sira hanesan Prezidente da Republika, Ministeriu Publiku no SECOMS hatoo preokupasaun konaba fake news iha rede sosial.

Tuir Konsellu Imprensa nia hanoin media sosial nudar mundu seluk (dunia maya), presiza Lei seluk laos ho kriminalizasaun defamasaun, tanba Lei ne’e relasiona ho mundu cibernetiku.

Governu loloos nee tau atensaun hodi investe, serbisu hamutuk ho Ministeriu Publiku no Ministeriu sira seluk, atu elabora Lei konaba krimi cibernetiku nian, tanba liu hosi ne’eba mak ita bele uza, ita bele hare ema sira ne’ebe halo deskursu odiu, uza cibernetiku atu halo kabarmentu kapital, halo trafiku umanu, pornografia sira ne’e ho Lei cibernetika laos ho kriminaliza defamasaun.

LEAVE A REPLY

Please enter your comment!
Please enter your name here