Home Notisia Meta Mali: Kontinua Implementa Planu Ne’ebe Iha Ona, Laos Atu Destroi Fali

Meta Mali: Kontinua Implementa Planu Ne’ebe Iha Ona, Laos Atu Destroi Fali

544
0
Ministru Asuntu Kombatentes Libertasaun Nasional Julio Sarmento da Costa “Meta Malu”. [Foto: Media PR | 29.05.2020]

Reportazen Santina Lucia da Costa

Hafoin Ministru Asuntu Kombatentes Libertasaun Nasional (MAKLN), Julio Sarmento da Costa “Meta Malu” hetan posse hosi Prezidente da Republika, Dr. Francisco Guterres Lu Olo, ba jornalista sira actual MAKLN, Meta Mali hateten planu politika iha nanis ona no sei kontinua deit hodi implementa planu refere hamuutk ho ekipa sira.

“Planu politiku iha ona tanba Sekretariu Estadu ba veterenau nian, halao ona tinan rua ho balun.  Ministru la ba halo buat seluk ruma, mais tenki serbisu hamutuk iha ekipa ida, atu bele hala’o knaar ne’ebe di’ak ba povu no nasaun, signifika ba kontinua serbisu, hamutuk ho ekipa”, hateten Meta Mali iha palacio prezidensia, 29/05.

Aktual governante ne’e hatutan governasaun ida ne’e parte hosi VIII Governu Konstituisional no kumpri deit restus mandatus ne’ebe sei iha. Tanba ne’e labele ba ho outras politikas ne’ebe atu destroi buat ruma iha planu ne’ebe hala’o tiha ona.

Prezidente Repúblika, Francisco Guterres Lú Olo,  fó posse ba membru foun VIII Governu Konstitusionál hamutuk na’in-8. Prezidente Repúblika uza nia kompeténsia tuir artigu 106 númeru 2, hodi nomeia no ezonera membru Governu hafoin simu proposta husi Primeiru Ministru.

Tanba ne’e, Prezidente Repúblika liuhusi Dekretu Prezidente, númeru 39/2020, nomeia mos Ministru ba Assuntu Kombatentes Libertasaun Nasionál Júlio Sarmento da Costa ‘Meta Mali’. tanba kumpri no obedese ba konfiansa ne’ebe depozitu, husi Primeiru Ministru.

“Sentimentu baibain tanba kumpri no obedese ba konfiansa ne’ebe depozitu, husi Primeiru Ministru, husi Autoridade sira ne’ebe fiar no fo mai. Nu’udar ema ba rai ida ne’e, ba povu ida ne’e prontu atu servi iha kualker tempu. Tanba ne’e mak la senti todan, tanba hamutuk ho povu atu fo resposta ba buat hotu.” Katak, aktual Ministru ba Assuntu Kombatentes Libertasaun Nasionál Júlio Sarmento da Costa ‘Meta Mali’ ba jornalista sira hafoin simu pose husi Prezidente Republika Francisco Guterres Lu-Olo iha Palasiu Prezidensial, Nicolau Lobatu, Bairu-Pite, Dili, Loron, 29/5.

Print Friendly, PDF & Email

LEAVE A REPLY

Please enter your comment!
Please enter your name here