Home Justisa Lei Defamasaun, Gill: Liberdade Imprensa Mak Iss, Espresaun Mak Kurasaun, Se Rua...

Lei Defamasaun, Gill: Liberdade Imprensa Mak Iss, Espresaun Mak Kurasaun, Se Rua Ne’e Laiha Demokrasia Mate

964
0
Prezidente Konsellu Imprensa, Virgilio Guterres. [Foto: Alan Smile | 10.06.2020]

Reportazen Zevonia Vieira

Ministeriu Justisa iha inisiativa no tentativa hodi kria Lei Defamasaun hosi kodigu sivil ba kodigu penal, hamosu preokupasaun ba Konsellu imprensa, asosiasaun jornalista sira no servisu meius komunikasaun sosial sira, tanba sei hamate Liberdade imprensa no espresaun iha Timor-Leste.

Liu hosi konferensia imprensa, Neon Metin halo konfirmasaun ho Prezidente Konsellu Imprensa, Virgilio Guterres sekarik Lei ne’e implementa duni, karik ida ne’e motivu ida hosi hamate serbisu jurnalismu nian atu labele kritiku?

Ba Neon Metin Prezidente Konsellu Imprensa (KI) hatan katak alvu hosi Projetu Lei Defamasaun ne’e mak jornalista sira, tanba jornalista sira mak lor-loron halo entrevista no hakerek konaba fontes sira nia hanoin.

“Ida ne’e hamate ona jurnalismu no media sira, ita koalia tan demokrasia halo saida, tanba liberdade imprensa ne’e mak fo sinal, katak demokrasia ne’e iha. Liberdade espresaun ne’e hanesan kurasaun no liberdade imprensa nee hanesan iss, se buat rua ne’e laiha ona demokrasia mate ona, se Lei nee eziste sei oho Liberdade imprensa no espresaun”, hateten Virgilio

Iha parte sorin Ministeriu Justia komesa distribui ona esbosu Lei Defamasaun ba instituisaun media sira, asosiasaun jornalista, Konsellu Imprensa no organizasaun sosiadade sivil hodi hatama sira nia suspensaun, antes atu foti desizaun final aprova ou lae.

Print Friendly, PDF & Email

LEAVE A REPLY

Please enter your comment!
Please enter your name here