Home EduTek Embaixada EUA ho KI Asina Akordu Hodi Halo Formasaun Konaba Fact-Checking

Embaixada EUA ho KI Asina Akordu Hodi Halo Formasaun Konaba Fact-Checking

554
0
Embaixada EUA ho KI asina akordu. [Foto: Santina | 04.10.2021]

Reportajen Santina Lucia da Costa

Konsellu Imprensa Timor-Leste (KI) ho Embaixada Estadu Unidos Amerika iha Timor-Leste asina akordu kooperasaun iha area fasilita fact-checking training ba ekipa sala redasaun kompostu husi jornalista, xefe redasaun inklui estudante nivel Universitáriu, ajuda hadia serbisu iha redasaun media sira, hodi la publika informasaun falsu ka hoax, hadi’a kualidade produtu jornalizmu iha Timor-Leste no asegura liberdade imprensa no liberdade espresaun iha Timor-Leste.

Hafoin asina akordu, Prezidente Konsellu Impresa (KI), Virgilio da Silva Guterres informa Embaixada Estadu Unidos Amerika fó fundus $10.000 mill ba KI atu halo formasaun ba estudante sira iha Universidade balun iha Dili no mós iha Munisípiu hanesan Manufahi, Ermera ho Baucau kona-ba fact checking, formasaun ne’e nu’udar parte husi kombate kontradiz informasaun, kontra fake news.

“Hau hanoin atu kombate buat sira ne’ebé ladi’ak ne’e luta konstante, luta kontinua ita ema ne’ebé labele hanoin aat, labele duun matak ema, entaun ita nia esforsu buat desinformasaun no notísia falsa ne’e sei kontinua lao bainhira, entaun ita nia luta lorloron mak kontinua kontra atu nune’e ita nia sidadaun sira labele monu ba lia bosok, lia bobar sira.” hateten Prezidente KI Virgilio da Silva Guterres iha Salaun Konsellu Imprensa, Quintal-Boot, 4/10.

Virgilio afirma partisipante sira tuir formasaun ne’e, preve ba ema 250, tantu estudante, joven, lider emerjente katak, lider futuru ninian, sei benefísia husi formasaun ida ne’e.

Iha fatin hanesan Enkaregadu Negósiu Embaixada EUA iha Timor-Leste, Tom Daley hateten Estadus Unidus sempre buka nafatin maneira oinsá atu fó apoiu ba ninia parseiru sira, halo parseria ho ninia belun sira iha Timor-Leste, hodi nune’e bele kombate informasaun falsa no disinformasaun, nafatin fornese apoiu ne’e hodi hasa’e sira nia kapasidade no mós abilidade hodi kombate informasaun falsa ka notísia falsa.

Tom Daley dehan Estadus Unidus no Timor-Leste, no mós sosiedade sira ne’ebé livre no nakloke iha fatin hotu-hotu importante tebes ba jornalista no sidadaun sira iha moris lor-loron atu bele rekoñese informasaun falsa no desinformasaun iha notísia no media sosiál, ita mós presiza luta hasoru informasaun falsa ne’e, liuhusi verifikasaun ba faktu sira.

Programa ne’e fó formasaun ba lideransa Timoroan enerjentes na’in 250 iha Dili, Ermera, Baucau no Manufahi hodi asume dezafiu ida ne’e, liuhusi koñesimentu foun no feramentu foun hodi uza ba verifika faktu. No Formasaun ne’e, fumadór sira mai husi lokál, husi Konsellu Imprensa.

Print Friendly, PDF & Email

LEAVE A REPLY

Please enter your comment!
Please enter your name here