Home Notisia Expo Dubai, FONGTIL Husu KAK Investiga Bainhira Ekipa Sira Fila

Expo Dubai, FONGTIL Husu KAK Investiga Bainhira Ekipa Sira Fila

1130
0
funsionariu TL esplika hela produtu ba visitor iha expo Dubai. [Foto: Copyright media MTCI | 04.10.2021]

Reportajen Adalgisa Pereira

Relasiona ho partisipasaun Timor-Leste iha expo Dubai, ne’ebe hamosu diskusaun publiku pro no kontra, liuhusi konferensia imprensa, Diretor Ezekutivu Forum Organizasaun Naun Governamentál Timor-Leste (FONGTIL), Daniel dos Santos hateten Timor-Leste la partisipa iha expo Dubai mos sei la lakon buat ida, no saida mak Timor-Leste reprezenta iha Expo refere, reprezenta duni situasaun real katak ita la preparadu.

Nune’e Diretor FONGTIL husu Komisaun Anti Korupsaun (KAK) loke investigasaun ba retornu husi atividade expo Dubai, tanba ba hanesan gasta osan arbiru, la lori retornu ka rendientu diak ba kurtu prazu, mediu prazu no longo prazu.

“Ita husu ona ba KAK sira fila mai nee tenke investiga retornu husi atividade sira ba ne’e nia rezultadu saída, gastus laiha rezultadu ne’e krimi, ida nee mak ita iezije katak depois sira fila husi Dubai tenke loke investigasaun ba sira”, dehan Diretor  FONGTIL

Nia hatutan katak ita labele ba nee tamba ita laiha produto atu bele kompete iha neeba, lori Timor ba representa iha internasional atu ema hotu bele hatene haree no simpatia, hodi bele mai investe ka sosa ita nia produto.

“Kuandu ita kompara ema seluk ba partisipasaun iha expo, ema iha  produtu neebe bele  kompete iha merkado maibe ita nia saída, ita ba halo aprezentasaun la klaru, laiha produto atu hatudu iha ne’eba, hanesan ita naran ba deit mas ba seim preparativu diak, kualidade iha rai laran laiha no ami haree prosesu prepasaun ne’e mos preparasaun la kualidade, naran bolu malu ba”, dehan Daniel iha salaun FONGTIL, Kaikoli 04/10

Tuir informasaun ne’ebe Neon Metin asesu iha pagina ofisial Ministeriu Turismu Komersiu no Industria (MTCI) hatudu katak abertura ba expozisaun mundial Dubai 2020, hetan antusiasmu husi vizitante sira hodi hare produtu kafe, vanila, fo’os mamramao no produtu turistiku sira seluk. Iha paviliaun Timor-Leste nian hatudu mos produtu tais husi munisipiu 12 no RAEOA.

Nasaun ne’ebe partisipa iha Expo Dubai 2020 hamutuk 192 inklui Timor-Leste.

Print Friendly, PDF & Email

LEAVE A REPLY

Please enter your comment!
Please enter your name here