Home Notisia Prezidente Repúblika Ohin Hahú Diálogu ho Komunidade Manufahi

Prezidente Repúblika Ohin Hahú Diálogu ho Komunidade Manufahi

529
0
Komunidade Manufahi iha dialogu ho Prezidente Republika. [Foto: David | 17.11.2021]

Reportajen David da Costa Gusmao

Prezidente Repúblika (PR), Dr. Francisco Guterres Lú Olo ofisiálmente hahú diálogu ohin ho   Komunidade, Autoridade lokal, veteranu Sosidade sivil, no konvisaun relijioju Manufahi iha salaun Paroquial ho tema “Ho Diálogu Sei Hetan Solusaun ba Problema Ne’ebé De’it”.

Prezidente Repúblika, Dr.Francisco Guterres Lú Olo ho haksolok boot tebes, hodi bele mai hamutuk iha komunidade musnisípiu Manufahi atu bele fahe  informasaun no rona informasaun husi komunidade manufahi  sira kona-ba lala’ok moris nian, lala’ok ukun nian iha  munisípiu Manufahi

“Ami sente katak bainhira ita hotu di’ak uitoan ba, ita bele ba hasoru malu hodi bele ko’alia ho haksolok, ko’alia hodi oin ba malu, hodi bele rona ho di’ak no tetu ho di’ak atu bele fó resposta lolos ba preokupasaun povu manufahi nian”, dehan Prezidente Lu Olo,  liu husi nia diskursu iha salaun parokiál Manufahi, Kuarta 17/11.

Iha fatin hanesan, Administradór Munisípiu Manufahi, Arante Izac Sarmento hatutan povu doben munisípiu Manufahi ho haksolok, no tetu hodi hein hela xefe estadu  ho nia komitiva nia vizita ofisiãl ida ne’e, hodi rona rasik Prezidente nia mensajen, nu’udar aman ba nasaun no ba povu Timor-Leste, no  xefe estadu mós bele rona direita komunidade ninia halerik no preokupasaun ne’ebé durante ne’e sira sente hela.

“Ita iha situasaun mundu ohin loron ne’ebé hasoru povu presiza tebes sua eselensia nia prezensa iha rai ida ne’e. Iha biban ida ne’e mós hakarak hato’o ba sua selensia bele haree rasik ita-nia povu nia situasaun  no rona rasik sira-nia esperansa ba sira-nia moris di’ak iha ita boot ninia mahon”, nia dehan.

Nune’e mós Administrador postu administrativu Alas, Leopoldo Barreto hateten objetivu husi dialogu ne’e atu Prezidente Repúblika haree no rona direta difikuldade no preokupasoens husi komunidade nian.

“Primeiru sua eselensia Prezidente Repúblika nu’udar simbolu nasaun iha mós espasu balun, sua eselensia atu tun direta haree kondisaun real iha terenu depois haree no atu rona direta komunidade nia difikuldade e preokupasoens”, tenik nia.

Nia salienta bainhira rona tiha preokupasaun sira ne’e, Prezidente Repúblika toma nota hodi Lori ba nivel nasionál  halo koordenasaun servisu ho governu depois bele fó solusaun ba preokupasaun sira ne’ebé povu enfrenta iha térenu.

Print Friendly, PDF & Email

LEAVE A REPLY

Please enter your comment!
Please enter your name here