Reportajen Adalgisa Pereira
Iha Konstituisaun Lei numeru 54, garante, asegura no fo defesa ba sidadaun sira hotu iha espresaun, iha direitu atu halo atividade iha rai nia leten, no iha serteza moris iha tempu agora no future, maibe realidade seidauk lao tuir lei nee tamba problema ne’ebe mak akontese disputa rai entre komunidade no estadu barak liu hanesan iha kazu iha Oe-cussee ,Aileu no Arte Moris no mos iha fatin seluk.
Kordenador Rede Ba Rai Pederito Veira hateten ema hotu, veteranus, juventude feto, mane no ema ho defisensia iha klasifikaaun hanesan iha lei nia okos, hanesan estadu laiha ema kalsifikaaun primeiru no segundu ba sidadaun ida iha Timor-Leste.
“Lisaun ida ita aprende husi ne’e tamba liliu ba Arte Moris nia hatudu mai ita katak, ita nia estadu ne’e iha diskriminasaun iha pratika. diskriminasaun husi ita nia lider sira, hanesan kompania seluk, laos veteranu mai husu fatin ne’e, hau sente ita nia Ministeriu Justisa la fo lalais karik, maibe tanba sira veteranu. tamba ho politika ida hanesan nee sidadaun balun iha klase 1 no balun iha klase 3”, esplika Koordenador Rede ba Rai iha sede Hasatil 04/12.
Nia informa governante sira aproveita uza sira nia poder, foti komunidade sira nia rai hanesan iha Oe-cusse no iha fatin seluk ne’ebe mak Rede ba Rai halo observasaun hela.
“Projeitu ZEESM foti husi komunidade nian natar, hela fatin, to’os. Hau hateten ba publiku ita nia governante aproveita ema Oe-cusse sira ne’ebe mak paseinsia, tan ne’e aproveita uza nia poder/abosu poder, iha Oe-cusse rasik, iha komunidade nain 65 aprezenta sira nia kazu ba Rede ba Rai katak tinan 7 ona maibe seidauk selu indiminasaun ba rai nain,” dehan Koordenador Rede ba Rai.
Iha lei artigu 76 regime especial, lei ba rai katak estadu tenke imdemisa produto ne’ebe mak sira halo dadaun, durante ne’e lei garante katak atu hasai ema n’ee ho dignu,
entaun sira iha direitu atu husu ba estadu tenke inemiza sira nia prrodutu, ne’ebe mak sira produs.
