Reportajen ekipa klinika jurnalismu UNTL-UNESCO
Komunidade iha aldeia Caisabe, suku Camea, postu administrative Cristo Rei, Munisipiu Dili la asesu bee mos, tanba kanalizasaun bee moos nia seidauk to’o ba komunidade sira balun, iha tinan barak nia laran, ho problema sira ne’e afeta tebes ba komunidade sira nia saúde, alende mos ba nesesidade lor-loron nian.
Hafoin ekipa estudante Komunikasaun Sosial Universidade Nasional Timor-Lorosa’e (CS-UNTL) vizita fatin Caisabe, iha loron 4 Dezembru, dadalia ho komunidade Caisabe, Anapaula Soares hodi ko’alia kona-ba situasaun ne’ebe sira hasoru.
Ba ekipa CS-UNTL, Anapaula Soares hateten sira seidauk asesu ba bee mos durante tinan barak ona, hodi kosumu no mós uza ba nesesidade sira seluk, tanba seidauk iha kompaña balun no parte relevante ruma hodi tau matan ba situasaun sira ne’e.
“Ami bee mos maka sei araska hela kuandu udan hanesan ne’e ami bee araska udan boot mai entaun ami araska ba bee mos atu udan ka bailoron mos nafatin ami sei araska hela ba bee mos to’o agora sei laiha entaun ami ba buka fali familia balun hodi bele hetan bee,” nia hateten loron Sabadu (4/12/2021).
Alende ne’e tuir observasaun estudante CS-UNTL haree iha terenu katak kanalizasaun bee mos tama ona iha suku CAMEA komunidade iha aldeia balun asesu ona maibe mós iha aldeia balun seidauk dada kanalizasaun to’o ba alende mós aldeia Caisabe rasik.
nune’e mós maioria komunidade sira iha ne’ebá moris nu’udar agrikultor no hakiak animal no produtu sira ne’ebe ba faan iha merkadu, hodi bele sustenta fali ba nesesidade uma laran no selu oan sira nia eskola.
Alende ne’e komunidade sira mós iha difikuldade asesu ba estrada, tanba kondisaun estrada ne’ebé sei aat hela, nune’e transporte públiku labele halo movimentu ba mai, inklui difikuldade mos asesu ba liña ka fiu eletresidade tanba besi riin eletresidade seidauk harii besik to’o ba komunidade sira balun, no familia balun abandona oan sira la asesu edukasaun.
*(Gabriel Gama nu’udar estudante UNTL ne’ebe partisipa iha klinika jurnalismu ne’ebe organiza husi UNTL-UNESCO)
