Home Notisia ACbit ho Fokupers Organiza Bazar Hodi Apoiu Atividade Ekonomia Sobrevivente Sira

ACbit ho Fokupers Organiza Bazar Hodi Apoiu Atividade Ekonomia Sobrevivente Sira

191
0
ACbit organiza Bazar iha Yayasan Hak. [Foto: David | 10.12.2021]

Reportajen David da Costa Gusmao

Asosiasaun Chega! Ba Ita (ACbit) no Forum Komunikasaun Ba Feto Timor-Leste (Fokupers) ohin organiza bazar, hodi apoiu atividade ekonomia husi feto sobrevivente no vítima violénsia bazeia ba jéneru (VBJ) no violénsia husi konflitu pasadu.

Diretora Ezekutivu Asosiasaun Chega! Ba Ita (ACbit), Maria Manuela Leong Pereira dehan, dehan objetivu husi bazar  ida ne’e,  atu fó oportunidade ba feto sobrevivente no vítima ba violénsia bazeia ba jéneru (VBJ) husi munisipiu 13 iha Timor-Leste,  hodi mai faan sira nia produtu sira iha ne’e.

“Ita tenke fasilita oportunidade ba feto sobrevivente no vítima ba violénsia, hodi promove no fa’an sira nia produtu, haluan sira nia rede, hasae sira nia rendimentu, no fahe sira nia esperiénsia. Rezultadu rapid assessment no market scan ne’ebé ami hala’o ho Hivos no Fokupers iha 2020 hatudu katak jeralmente, feto sobrevivente sira hetan rendimentu husi sira nia negosiu semana ida $1 to $10. Ida ne’e la to’o atu kompleta sira nia nesesidade iha familia,” dehan Diretora Ezekutivu ACbit, Maria Iha Asosiasaun HAK Farol, Sesta 10/11.

Tanba atividade ida ne’e hanesan pasu importante tebes ba feto sobrevivente sira, atu bele hala’o ekonomia ne’ebé independente, pelumenus sae ba 109 husi 123 sobrevivente ne’e, ne’ebé tuir ona rapid assessment no market scan iha tinan 2020, hatudu katak asesu ba merkadu sai fatór limitadu ba sobrevivente sira atu dezenvolve sira nia mikro empreza.

Sobrevivente Lucia Ximenes husi grupu Fitun Tais ACbit Baucau, sente kontente tanba bazar ida ne’e fó oportunidade ba sobrevivente sira hodi bele mai fa’an sira nia produtu sira. Tanba husi bazar ida ne’e mak foin hetan rendimentu husi produtu ne’ebé iha.

“Hau sente kontente tebes tanba bazar ida ne’e  fo tempu  no oportunidade ne’ebé di’ak liu ba ami sobrevivente sira, tanba bazar hanesan ne’e mak ami foin hetan rendimentu konaba ami nia produtu sira. Ohin ami lori mai faan mak tais, nu’u kulit ne’ebe halo ba bikang, karteira, brinku, korente no  pasta ne’ebe halo husi tais,” nia dehan.

Sobrevivente Olivia Zerão husi grupu Lisa-Telu Liquiça, sente kontente mai partisipa iha bazar ida ne’e, tanba  bele ajuda grupu sobrevivente sira atu mai faan sira nia produtu hodi ajuda sira nia ekonomia uma laran.

“Hau sente kontente mai partesipa iha bazar ida ne’e, tanba bele ajuda hau hodi bele faan ami nia profutu sira ne’ebé mak ami halo ne’e. Produtu sira ne’ebé ami husi grupu ne’e faan mak, Omahan makerek, bote makere, pasta, kake no seluk tan,” dehan nia.

Print Friendly, PDF & Email

LEAVE A REPLY

Please enter your comment!
Please enter your name here