Home Saude Horta Simu Vasina Booster Pfizer Tanba Sei Partisipa Enkontru Ho Papa Francisco...

Horta Simu Vasina Booster Pfizer Tanba Sei Partisipa Enkontru Ho Papa Francisco Iha Dubai

319
0
Ramos Horta simu vasina booser Pfizer iha nia rezidensia.[Foto: Umbe | 05.01.2022]

Reportajen Umbelina dos Reis

Premiadu Nobel ba Pás, Dr. José Manuel Ramos Horta nu’udar sidadaun no ema dahuluk ne’ebé simu vasina booster Pfizer iha Timor-Leste iha ni-nia rezidénsia Metiaut  Díli. Alein de ne’e Ramos Horta simu vasina booster, tanba sei partisipa enkontru iha Dubai nu’udar juri ba prémiu fraternidade umana hosi Papa Francisco.

“Ohin ha’u simu terseira doze bolu Booster Pfizer, booster ne’e hahu tiha ona iha Europa, Amérika, Austrália desde Abríl 2021” hatete Ramos Horta, 04/01.

Nia hatete Booster Pfizer atu garante sidadaun sira livre hosi infesaun COVID-19 iha Timor-Leste, no Governu liu hosi Ministeriu Saúde (MS) halo esforsu hodi fo tán vasina ida ne’e.

Ramos Horta hatutan katak hakarak simu vasina id ne’e tanba bai-bain efetividade vasina ida, nia durasaun badak loos, iha de’it fulan neen, balun fulan hitu no balun fulan ualu, nune’e iha terseira doze bele aumenta imunidade hasoru Covid-19.

“Ita husu atu komunidade ne’ebé halo ona segunda doze liu tiha ona fulan neen, bainhira Governu ka autoridade sira oferese vasina Booster, tenke ba simu tanba ne’e ajuda proteje an hosi Covid,” Ramos Horta enkoraja komunidade sira.

Alein de ne’e Ramos Horta hatete simu vasina Booster tanba sei halo viajen ba Dubai iha tempu badak nia laran.

“Ha’u rasik mak husu atu simu vasina Booster Pfizer tanba sei halo viajen ba Dubai iha tempu badak atu partisipa enkontru prezensiál nu’udár ekipa juri internasionál ba prémiu Fraternidade Umana ne’ebé estabelese hosi Papa Francisco.” hatete Ramos Horta.

Entretantu Premiadu Nobel ba Pás konsidera Timor-Leste  iha sorte tanba iha 2021 Covid-19 sa’e makás, maibé ho esforsu Governu nian hodi vasina komunidade ikus mai iha redusaun.

Nia hatete oras ne’e da-dauk Amérika infetadu Covid-19 kada loron, Austrália uluk kontrola di’ak loos agora susar, Nova Zelándia agora susar no Xina hahú fila-fali úniku mak mutuasaun ida, atuál hanaran Omicron nia infesaun maka’as, lalais maibé ladun fatal,  ladun mortal.

Eis Prezidente Repúblika ne’e rekoñese katak, Booster Pfizer ne’ebé foin simu ne’e, liu tiha semana rua to’o tolu mak foin efikás, la’ós ohin simu fó kedan protesaun. Timor laos prioridade, ita laos pandemia gramatiku.

Dezde 2020, lider nasionál ne’e mos sempre halo esforsu hotu hosi Governu nia kotuk atu Timor-leste  bele hetan vasina ba protesaun.

Print Friendly, PDF & Email

LEAVE A REPLY

Please enter your comment!
Please enter your name here