Home Saude Hariis Fatin Fakuldade Siensia Sosial e Politika UNTL Kondisaun Aat no La...

Hariis Fatin Fakuldade Siensia Sosial e Politika UNTL Kondisaun Aat no La Seguru Ba Feto

360
0
kondisaun haris fatin iha UNTL fakuldade Siensia sosial no politika Kaikoli. [Foto: Gabriel | 11.01.2022]

Reportajen ekipa Klinika Jurnalimsu UNTL-UNESCO

Fakuldade Siénsia no Sosiál, Universidade Nasionál Timor-Lorosa’e (UNTL) nia hariis fatin la dun diak ba estudante sira atu uza ba sira nia nesesidade loro-loron.

Haris fatin nu’udar nesesidade fundamental ba ema hotu, bainhira haris fatin ne’ebe moos no ijiene, sei la fo risku ba saúde públiku, liu-liu feto sira.

Ekipa klínika jurnalismu Universidade Nasioanl Timor Lorosa’e (UNTL), hodi observa direita kondisaun haris públiku iha UNTL ne’e. Ba ekipa klínika jurnalismu, estudante husi  Fakuldade Siénsia Sosiál no Polítika (FCSP) ho Departementu balun husi Faculdade Medisina no siénsia Saúde (FMCS), hateten katak haris fatin eskola nian aat no foer, na balun lakohi uza, tanba fo impaktu ba saude publiku

Ho kondisaun ida ne’e Xefe Cleaner, Anselmo da Conceição Araújo hateten haris fatin ho kondisaun ladun diak, tamba kauza husi be’e no tornera mos aat hotu, fo hatene ba sira administrasaun maibe sira la truka to’o agora, ami hamoos nafatin, iha fali parte sorin ne’eba be’e iha, ne’e mos informa ona ba administrasaun maibe to’o agora rezultadu laiha.

Anselmo hatutan katak orsamentu ne’e mai husi UNTL , kompania hein mai hamoos deit, konaba sasan hanesan be’e no sira seluk ne’e UNTL deit, no konaba limpeza, ne’e ami deit.

“Konaba supa posu uluk kompania sira mai supa , agora UNTL rasik mak supa, maibe supa dala ida deit to agora seidauk mai. Odamatan mos at hotu, husi mane nian to’o agora seidauk truka, feto nian la sala rua deit, no gaiun laiha ami foti ba tau fali”, dehan Aselmo ba ekipa klinik jurnalismu

Iha sorin seluk Amaro da Costa de Jesus hanesan estudante ida husi Fakuldade Siénsia Sosiál no Polítika, hateten katak haree ba kondisaun haris fatin ne’ebe mak iha, oras ne’e ita bele uza, maibe kondisaun haris fatin ne’e ladun favoravel no ladun diak tamba, dalaruma ita tama mos ita la tahan tanba dois, odamatan mos maioria at hotu ona, ita nia estudante sira kuandu atu uza, sira tenke hein malu oituan, tanba kondisaun odamatan ne’ebe mak la dun diak.

Amaro dehan ida ne’e kompeténsia husi Dekanu ou Administrasaun, no presiza tau iha planu hodi hadia, nune’e kondisaun haris fatin ne’e diak no moos, nune’e la fo impaktu ba ema nia saúde públiku no sente seguru uza haris fatin

Hanoin hanesan husi estudante UNTL, Juvita dos Santos tenik katak harus fatin ne’ebe sempre uza nia kondisaun la dun diak, maibe pasiénsia uza deit tanba laiha alternativa seluk

“Hau pesoal uza haris fatin ne la dun seguru, tamba ho razaun haris fatin ne’e odamatan mos aat hotu, nakonu ho foer halo haris fatin ne’e dois  liu tan, ne’e fo impaktu ba estudante sira nia saúde, wainhira ita ba hela deit haris fatin, halo ita atu muta deit”, dehan Juvita

kondisaun haris fatin iha UNTL Kaikoli. [Foto: David | 11.01.2022]

Juvita husu ba parte administrasaun atu tau matan ba fatin públiku hirak ne’e, tanba haris fatin ne’e importante  ba ema hotu, labele abandona no husik nune’e deit.

Husi preokupasaun hirak ne’e ekipa tenta halo entrevst ho parte Administrasaun Fakuldade Siénsia Sosiál no Politika, maibe parte hirak ne’e lakohi fo komentáriu tanba sei preokupa ho serbisu seluk. Observasaun ekipa klínika jurnalismu hatudu katak  kondisaun haris fatin ne’e la diak, tanba nakonu ho foer, odamatan aat no la dun seguru ba feto sira atu asesu.

*(Josefino Teti de Araújo Xavier, Ediviges Goncalves Viana, Olivia dos Reis da Costa, Epifania Martins Soares no Gabriel de Jesus Ximenes Gama nu’udar estudante UNTL ne’ebe partisipa iha klinika jurnalismu organiza husi UNTL-UNESCO)

Print Friendly, PDF & Email

LEAVE A REPLY

Please enter your comment!
Please enter your name here