Home Notisia Oxfam Lansa Relatoriu Diversifikasaun Ekonomika Iha TL, 70% Populasaun Buka Moris Ho...

Oxfam Lansa Relatoriu Diversifikasaun Ekonomika Iha TL, 70% Populasaun Buka Moris Ho Atividade Agrikultura

388
0
Jestor Senior ba Programa Oxfam nian, Fernando da Costa halo aprezentasaun konaba Diversifikasaun Ekonomika Iha TL. [Foto: Zevonia Vieira | 26.09.2019]

“Seitor agrikultrua mak rekursu, hodi buka moris ba 70% populasaun. Iha 2019, iha deit miliaun $14.7 alokadu ba agrikultura, hosi total biliaun $2 iha Orsamentu Estadu nian. 25% populasaun iha Dili mak moris kiak, iha area rural ema 80% resin mak moris kiak”.

Oxfam Internasional lansa relatoriu konaba Diversifikasaun Ekonomika Iha Timor-Leste. Jestor Senior ba Programa Oxfam nian, Fernando da Costa iha nia aprezentasaun konaba relatoriu Diversifikasaun Ekonomika Iha Timor-Leste, esplika katak objetivu principal hosi relatoriu ne’e, hodi ajuda parte interesada oioin atu hatene no envolve an iha kestaun téknika sira ne’ebé relasiona ho dezenvolvimentu ekonómiku, ho envolvimentu efetivu liu iha governu nia prosesu foti desizaun.

Relatoriu ne’e inklui komentáriu husi respondente balu, ho objetivu atu klarifika kontestu no haree ligasaun entre povu nia preokupasaun loroloron ho konseitu no indikadór tékniku kona-ba kestaun ekonómika.

Iha aprezentasaun relatoriu ne’ebe aprezenta hosi Fernando da Costa hatudu katak seitor agrikultrua mak rekursu, hodi buka moris ba 70% populasaun.

Iha 2019, iha deit miliaun $14.7 alokadu ba agrikultura, hosi total biliaun $2 iha Orsamentu Estadu nian. 25% populasaun iha Dili mak moris kiak, iha area rural ema 80% resin mak moris kiak. Pontensia ne’ebe mak sedauk utiliza, tuir estimasaun katak hosi rai hektar 70,000, iha hektar 30,000 mak ativamente uza ba halo atividade agrikultura nian.

Tuir Oxfam nia hanoin katak kreximentu ekonomia mak akontese dadaun fo benefisiu ba trabalador seitor publik nian no mos trabalador sira servisu iha setor infraestrutura nian.

Kreximentu inkluzivu fó benefísiu mós ba setór sira husi komunidade ne’ebé tradisionalmente marjinalizada, hanesan feto sira, ema ho defisiénsia, komunidade LGBTI, ho sira seluk.

Iha fatin hanesan Ministru Reforma Lejizlativa no Asuntu Parlamentae [MRLAP], Fidelis Manuel Leite Magalhães, fo parabens ba Oxfam ne’ebe produs ona informasaun importante ida ne’e. Ministru Fidelis informa katak iha tinan 2020, politika governu nian sei implementa prioriade iha seitor haat hanesan turismo, Ekonima, infrastrutura no dezenvolvimentu insituisional.

Programa Hadalan Lian Ba Governasaun Diak , hetan apoiu finanseiru hosi Austalian Aid. Programa lansamentu ne’e realiza iha salao Sao Paulo, Comoro Dili, iha loron 26/09, ne’ebe hetan partisipasaun hosi organizasau sosiadade sivil hanesan KODIVA, Asosiasaun Difisiente Timor-Leste, UNAER, partidu Politiku no governu. * [ Zevonia Vieira | Neon Metin | 26.09.2019 ]

 

 

LEAVE A REPLY

Please enter your comment!
Please enter your name here