Home Saude 22 Janeiru, Kazu Dengue Sae Ba 713, Kazu Kumulativu Obitu 16, Maioria...

22 Janeiru, Kazu Dengue Sae Ba 713, Kazu Kumulativu Obitu 16, Maioria Iha Dili

240
0
Ilustrasaun susuk Dengue. [Foto: Google | 22.01.2022]

Reportajen Zevonia Vieira

Ministériu Saúde relata kazu Dengue ba loron 22 Janeiru 2022 ne’ebe sai ba 713, no kazu kumulativu obitu nain 16, maioria kazu ne’e deteta husi Munisípiu Dili ho total 506 kazu, Munisípiu Ermera ho kazu 55, Baucau ho kazu 32, Manatuto ho kazu 32, Manufahi kazu 32, Covalima ho kazu 30, Bobonaro ho kazu 14, Ainaro ho kazu 4, Viqueque 4, Liquica kazu 3, Aileu relata kazu 1. Em jeral total munisípiu 11 mak agora daudaun relata kazu dengue.

Husi gráfiku ida ne’e hatudu katak husi fulan Dezembru 2021 kazu komesa aumenta ho total 225, maibé iha fulan Janeiro 2021 kompara ho fulan Janeiro 2022, iha semana quarta kazu barak liu kompara ho kazu Janeiro 2021. Iha posibilidade kazu sei aumenta iha semana hirak tuir mai no iha fulan oin mai.

Munisípiu Dili nafatin rejistu kazu ne’ebe a’as iha Primeira semana – Quarta Semana fulan Janeiro 2022, ho total 506 kazu. Hare ba kada loron kazu aumenta beibeik husi Munisípiu Dili.

Idade mais afetadu mak husi idade menus husi 14 anos mai kraik ho grupu idade 5 – 14 ho 46,1% no idade 1 – 4 ho 35,1%. Ho ida ne’e Attack Rate (AR) idade 1-14 anos a nivel Nacional ho 0.13%

Postu Administrativu Dom Aleixo relata kazu a’as liu husi Posto administrativos hotu ho total 252 kazu iha primeira semana – Quarta semana janeiro 2022, hafoin tuir husi Posto Aministrativo Cristo Rei 98 kazu, Vera-Cruz 77 kazu no Nain-Feto 76 kazu.

Kazu obitu husi tinan 2020 ho total 10, iha tinan 2021 ho total 11 obitu. Iha Primeira semana fulan Janeiro 2022 iha obito nain 1, nebe’e relata husi Munisípiu Dili, no iha Terceira semana relata kazu obitos, Munisípiu Ermera nain 4, Ainaro nain 1 no Bobonaro nain 1 no Quarta semana relata obito nain 2 husi Munisípiu Covalima, no 7 husi Munisípiu Dili ho ida ne’e total Case Fatality Rate nivel nasionál ho 2,2%. Komparasaun taxa kazu fatalidade (CFR) iha tinan 2 ba kotuk no quarta semana fulan Janeiro 2022

Situasaun kazu dengue Iha Munisípiu Dili to’o ohin loron relata ona kazu 506, kazu no obito nain 8. Tuir kalendariu epidemiolojia tinan 2022, iha primeira semana fulan Janeiro Tinan 2022, Munisípiu Dili relata total 38 kazu no iha semana Segundo fulan Janeiro 2022, relata 160 kazu no iha Terceira semana relata ona 122 kazu no ohin quarta semana relata kazu ho total 186

To’o ohin loron quarta semana fulan Janeiro Tinan 2022 Posto administrativu Dom Alexo relata kazu total 252, hafoin Posto Administrativo Cristo Rei ho 98 kazu no tuir kedan posto administrativo Vera-Cruz ho total kazu 77 no Nain Feto ho total kazu 76, ne’e hatudu katak kada dia kazu espalla nafatin ba iha posto administrativo sira seluk.

Distribuisaun kazu dengue tuir klasifikasaun mak Dengue Fever (DF) ho total 415 kazu, Dengue Hemorrhagic Fever (DHF) ho total kazu 39 no Dengue Shock Syndrome (DSS) ho total kazu 52.

Print Friendly, PDF & Email

LEAVE A REPLY

Please enter your comment!
Please enter your name here