Home Notisia Loro Mau Retira Husi Konvensaun Nasionál PD nian, Tanba Lakohi Hatún Kredibilidade...

Loro Mau Retira Husi Konvensaun Nasionál PD nian, Tanba Lakohi Hatún Kredibilidade PD

605
0
Prezidente CPN/PD, Adriano do Nascimento “Loro Mau”. [Foto: Santy | 23.01.2022]

Reportajen Santina Lucia da Costa

Relasiona ho Prezidente Konsellu Polítika Nasionál Partidu Demokrátiku (CPN/PD), Adriano do Nascimento “Loro Mau” ne’ebé molok hahú votasaun ba kandidatu sira, kandidatu Loro Mau, retira ninia kandidatura, tanba lakohi hamosu instabilidade iha Partidu laran, no kontinua fó apoiu ba Assanami kompete iha eleisaun prezidensial 2022-2027.

Ba jornalista sira, Prezidente CPN/PD, Adriano do Nascimento “Loro Mau” hateten partisipante husi kongresu nasional mai hateten, tanba Assanami figura nomoru un iha Partidu, mak nia lakon iha votasaun iha Partidu mak sei problema ba kredibilidade partidu.

“Munisipiu lubuk ida mos hateten, se ami nia na’in rua ba votasaun, sira lakohi vota, tanba sira  lakohi konfuzaun ba votasaun ida ne’e, tanba ne’e mak hau hanoin, duke instabilidade partidu laran tan de’it kandidatu rua hau senti katak, konsidera hanoin husi partisipante husi konvensaun ninian hau retira.” Hateten, Prezidente CPN/PD, Adriano do Nascimento “Loro Mau”, ba Jornalista sira iha  salaun Leokase, Raikotu, 22/1.

Loro Mau, Afirma, Estatutu PD hateten, atu halo nomeasaun ba kandidatu husi PD maka konvensaun Nasional iha signifika rua, ida maske kandidatu ida de’it mos tenki mai iha konvensaun nasional hodi formaliza no legalize.

“Konvensaun so uniku norma legal ne’ebe regula kona-ba kandidatura Prezidente Republika, rua, tanba sa mak la retira husi antes, la retira tanba partidu ne’e Partidu Demokratiku, hau lider PD hau hakarak rona lai opiniaun husi baze, tanba hau labele hanoin egoizmu politiku ida lakohi rona baze sira hatete saida, ohin Munisipiu Lubuk ida sujere ami halo konsensu.” Esplika, Loro Maun.

“Hau nu’udar kuadru partidu, nu’udar ema PD desizaun ne’e submete, Assanami nu’udar kandidatu PD nian hau sei apoiu, hau sempre apoiu.” Dehan Loro Mau.

Print Friendly, PDF & Email

LEAVE A REPLY

Please enter your comment!
Please enter your name here