Home Notisia Kandidatu Prezidente Repúblika, Constâncio Rejistu Ona Iha TR Ho Proponente 6000 resin

Kandidatu Prezidente Repúblika, Constâncio Rejistu Ona Iha TR Ho Proponente 6000 resin

324
0
Koordenador ekipa susesu Adi Pinto. [Foto: Adroaldo | 04.02.2022]

Reportajen Adroaldo ‘Saretukau’

Iha loron 3 Fevereiru 2022, ekipa susesu hosi kandidatu independente, Constâncio Pinto rejista ona iha Tribunal de Rekursu (TR) Caicoli, ho proponente ka apoiantes 6000 mil resin, hodi kompete ba eleisaun Prezidensiál tinan 2022-2027.

Hafoin halo rejistrasaun, ba jornalista sira Koordenador ekipa susesu kandidatu Constâncio Pinto, Adi Pinto hateten sira nia kandidatura rejistradu ona, nune’e hein de’it data publikasaun nian hodi hahú kampaña.

“Ohin rejista ona mak sira haruka ami tun, proponente kuaze atu 600 mill, 13 munisípiu iha hotu, kompletu,” hatete kordenador ekipa susesu kandidatu Constâncio Pinto, iha Edifísiu Tribunal de Recurso Caicoli, 03/02.

Koordenador ekipa susesu ne’e iha esperansa boot ba sira nia kandidatura hodi garante katak kompete atu manan.

“Tenki manan, kompete para atu manan, la’os kompete para atu lakon, kuandu kompete ona tenki manan. Kuandu mai iha ne’e garante mak mai ne’e, la iha ema ida atu mai fight para atu lakon ne’e la ih,” hatete Adi.

Entretantu kordenador Adi hatete, apoiantes sira ne’ebé apoiu kandidatu Constâncio nian, maioria mai hosi juventude sira. Nia dehan tuir planu, sira sei hahú kampaña iha Munisípiu Baukau, kak hahú hosi parte Leste nian.

Print Friendly, PDF & Email

LEAVE A REPLY

Please enter your comment!
Please enter your name here