Reportajen Adalgisa Pereira
Iha forum diálogu ne’ebe partisipa husi kandidatu Prezidente Repúblika, ne’ebe organiza husi Forum Organizasaun non-Governmental (FONGTIL) ho Komisaun Nasional Eleisaun (CNE), hodi koalia konaba sansaun irregularidade sira.
Iha intervensaun ne’e, kandidatu independente Virgilio Guterres ‘Lamukan’ hateten iha tempu kampaña laos oportunidade atu hatún malu ka difama, hodi hetan povu nia konfiansa
“Hanesan kandidatura ida iha motto ne’ebe hau foti “Ba Timor ida ne’ebe fraternu liu” katak ita haree malu hanesan inan feton, maun alin ita labele loke oportunidade, atu hatún malu ka difama malu iha prosesu kampaña polítika ka eleisaun, ida nee hanesan prosesu edukasaun ida ba ita nia sosiedade ,hili ita laos tanba ita obriga ka ita lakon, sira hetan malisan nee lae, maibe nia hili ema ne’e diak liu nia reprezenta duni, nee mañan ka lakon mos nia kontente nafatin, tanba nia hili bazeia ba ninia hakarak, no ita la uza hatún lider seluk ka difama sira atu hetan povu nia konfians ” dehan Lamukan hafoin halo diálogu iha salaun CNE 11/02
Nia mos enkoraja órgaun eleitorál sira, foti sansaun hasoru infratór sira, tanba medida sira nee kro’at de’it ba ema ki’ik sira.
“Kompromisu hau nia sei la halo akuzasaun falsu, ka difama maibe presaun no preokupasaun hau nian mak enkoraza orgaun eleisaun elitoral sira, foti sansaun hasoru infratór sira, órgaun eleitorál brani ga lae foti sansaun hasoru maun Horta, se iha liafuan ruma ka akuzasaun ruma viola regra, dala-ruma medida sira ne’e kro’at ba ami kraik deit, ami ki’ik sira mak halo medida apoiu kedas”, dehan Lamukan
Nia hakotu katak eleisaun laos festa demokrasia, maibe eleisaun ne’e atu sagradu polítiku, ne’ebe sidadaun adultu idade 17 ba leten hodi partisipa. Aktu ne’e sagradu tan ne’e vota ho konxiénsia , hametin ita nia sidadania sívika, husu ba apoiante sira kontribui ba mantein estabilidade iha períodu tomak durante kampaña to’o apuramentu votus .
