Reportajen Francisco Colo
Alumni parlamentu foinsa’e Timor-leste (APFTL) Koopera ho Oxfam liuhusi projetu hadalan Organiza workshop (formasaun), ba grupu produtó agrikultór sira, kona-ba uza plataforma online ,hodi nune’e promove produtu sira ne’ebé grupo agrikultor sira produs husi to’os.
Presidente Alumni Parlamentu Foinsa’e Timor-Leste(APFTL) Zaulino Gomes da Silva hateten intensaun husi workshop ida ne’e hanesan konsultasaun ho grupu produtivu sira, oinsá introdús kona-ba utilizasaun plataforma online.
“Plataforma agora dadaun APFTL dezenvolve hela kona ba plataforma “hadalan” uza oinsa halo advokasia halo marketing buat ida bolu media campaign ne’e grupu produtivu sira uza oinsa grupu produtivu sira halo estrategia ba advokasia liuhusi plataforma online sira.” dehan prezidente(APFTL) Zaulino Gomes da Silva iha salaun maubara Room Timor Plaza, Dili. 22/02
Nia hatutan ohin ne’e ita halo konsultasaun husu sira nia opiniaun, sira hanoin kona ba ninia utilidade introdus plataforma ne’e rasik para depois, plataforma ne’e finaliza ona, iha hela prosesu dezenvolve hela ohin ita hatudu I ita sei kontinua finalisa ita sei lansa plataforma ne’e no sei nain mak grupu produtivu sira.
“APFTL halo kontrolu de’it kestaun publika produtu saida ne’e grupu sira mak desidi publika produtu saida saida de’it.” dehan nia
Benefísiu husi plataforma ne’e ba grupu sira mak liu husi plataforma ne’e, publiku ema konsumidor no empresariu sira ne’ebé iha interese hakarak hatene kona-ba grupu produtivu sira ninia prodtu sira bele asesu iha plataforma ne’e para sira hatene grupu ne’e produsaun saida, sira nia presu hira, sira nia fatin iha ne’ebé sira nia stock ne’e iha ka lae.
Entretantu Grupu produtor agrikultor ne’e mai hosi munisipiu hanesan Ermera,Baucau,Ainaro,Dili,Aileu, no grupu sira ne’ebé mak partisipa iha workshop ida ne’e mak hanesa Hatajo, Tilofe, Fdje, Eamo, Corner Store, Yeff, Jorra no Unaer.
Iha fatin hanesan partisipante Grupu aikulat mutin Organiku (EAMO), Januario Gonsalves sente ogullu liu husi plataforma ne’e oinsa bele lori sira ba mundu teknologia hodi hafasil sira atu promove sira nia produtu ba publiku.
“Ami orgullu no sentimentu katak durante ne’e ami halo produsaun no asaun iha base maibé ami lahatene katak oinsa bele lori ami ba mundu teknologia liuliu promove ami nia produtu sira” dehan Gonsalves
Nia salienta tan ohin ami nia equipa sente onradu bele partisipa no hanoin ida katak plataforma ida hanaran HADALAN ne’e loke spasu ida ba ami no hafasil liu ami, la’os husi ibun ba ibun mak ema hatene ami nia produtu maibé liuhusi média HADALAN ne’ebé APFTL no OXFAM prepara no organizasaun seluk prepara hafasil liutan ami nia produsaun agrikultura liuliu iha marketing.
