Home Meio Ambiente Mota Benamauk Sobu Estrada Difikulta Komunidade Asesu Merkadu

Mota Benamauk Sobu Estrada Difikulta Komunidade Asesu Merkadu

386
0
Mota Benamauk iha Becora. [Foto: Umbelina | 23.02.2022]

Reportajen Umbelina dos Reis

Udan boot ne’e akontese iha loron 21-23 Fevereiru, fo impaktu ba mota Benamauk ne’ebe sobu estrada diresaun terminal Bekora, ba mota ulun kuaze besik metru 100 mak hetan estragu, nune’e difikulta komunidade sira asesu ba merkadu, aleinde ne’e difikulta estudante no komunidade sira nia movimentasaun ba mai.

Tuir observasaun Neon Metin iha terrenu nota katak, udan horisehik kuaze besik oras haat nia laran, halo mota Benamauk Sobu estrada maizumenus besik metru 100 hosi diresaun Terminal Bekora ba mota ulun, kauza hosi korente ne’ebé maka’as.

Tuir komunidade sira ne’ebe hela besik iha fatin refere, Luis Alves husu parte relevante atu normaliza ho urgente estrada, nune’e mos komunidade sira husu atu halo moru protesaun nune’e asegura sira nia hela fatin.

“Buat ne’ebe ami presiza liu mak estrada, nune’e tenki normaliza ho urgente no presiza mos halo penahan atu nune’e dalan ne’e la bele kontinua kotu be-beik,” dehan komunidade Luis, Kuarta, 23/02.

Ho kondisaun estrada ne’ebé hetan estragus ne’e, difikulta estudante, komunidade la bele asesu hodi halo movimentu no fo impaktu mos negosiante sira hodi lori sira nia produtu ba merkadu.

“Dalan la asesível ema labele asesu ba mai difikulta ba estudade sira atu ba eskola, ema ba servisu no prosesu negósiu ita hatene katak sira la hetan, presiza transporte mak bele tula ba merkadu” relata Komunidade refere.

Alende ne’e, negosiante Juliana Soares afirma katak sira hela liu iha mota ulun, hafoin mota Benamauk estraga dalan hirak ne’e sira labele lori sira produtu mai iha merkadu.

“Estrada la di’ak ami negosiante susar atu tula ami nia modo sira ne’e ba merkadu tanba estrada la di’ak, hakarak husu ba Governu atu hadi’a ho lalais nune’e ami bele lori produtu ba fa’an,” Juliana ho esperansa hato’o ba parte relevante rezolve lalais estrada ne’ebé hetan estragus.

Udan horisehik to’o oras ne’e, Mota Benamauk ho korente ne’ebe maka’as estraga estrada halo mota sobu no bee tama komunidade balun nia hela fatin.

Antes ne’e dezastre natural ne’ebe akontese uluk iha dia 4 Abril tinan 2021 ne’e, hetan noramaliza ona husi IGE maibé nafatin mota sobu nune’e komunidade sira nia ezijensia husu ba parte relevante atu halo moru protesaun nune’e la fo ameasa be-beik ba sira no la bele difikulta sira nia atividade diária tanba kada tinan tempu udan mota Benamauk sai preokupasaun boot ba komunidade Becora li-liu iha area mota ulun no mota ninin sira.

Print Friendly, PDF & Email

LEAVE A REPLY

Please enter your comment!
Please enter your name here